തിരുവനന്തപുരം: ഔദ്യോഗിക ഭരണരംഗത്ത് ‘ടിയാന്’ എന്ന പദത്തിന് സ്ത്രീലിംഗമായി ‘ടിയാരി’ എന്ന് ഉപയോഗിക്കരുതെന്ന് ഉത്തരവിറക്കി നിയമ വകുപ്പ്. ഭാഷാ മാര്ഗ നിര്ദേശക വിദഗ്ധസമിതിയുടെ യോഗ തീരുമാനമാണ് ഒക്ടോബര് എട്ടിന് ഉത്തരവായി ഇറങ്ങിയിരിക്കുന്നത്. ഭരണരംഗത്ത് ടിയാന്’ എന്ന പദത്തിന്റെ സ്ത്രീലിംഗമായി ടിയാരി’ എന്ന് വ്യാപകമായി ഉപയോഗിച്ചു വരുന്നതായി ശ്രദ്ധയില്പ്പെട്ടിട്ടുണ്ട്.
മേല്പ്പടിയാന് അല്ലെങ്കില് പ്രസ്തുത ആള് എന്ന അര്ത്ഥത്തില് ഉപയോഗിക്കുന്ന ടിയാന്’ എന്നതിന്റെ സ്ത്രീലിംഗമായി ടിയാള് എന്നതിനു പകരം ടിയാരി എന്ന് ഉപയോഗിക്കുന്നത് അനുചിതമാണെന്നാണ് ഉത്തരവില് വ്യക്തമാക്കുന്നത്. ചില ഉദ്യോഗസ്ഥര് ടി. ടിയാന്, എന്നതിലുപരിയായി ടിയാരി എന്ന ചുരുക്കരൂപം സ്ത്രീലിംഗരൂപമായി ഉപയോഗിച്ചുവരുന്നത് ശ്രദ്ധയില് പെട്ടതിന്റെ അടിസ്ഥാനത്തില് പരാതികള് ഉയര്ന്നിരുന്നു.
തുടര്ന്നാണ് പദത്തിന്റെ ഉപയോഗ സാധുതയെക്കുറിച്ച് ഭാഷാ മാര്ഗനിര്ദേശക വിദഗ്ധസമിതി പരിശോധന നടത്തി ടിയാരി എന്ന പദം ഉപയോഗിക്കേണ്ടതില്ലെന്ന് തീരുമാനത്തിലെത്തുകയായിരുന്നു. സര്ക്കാര് ഓഫീസുകള്ക്ക് പുറമെ, സര്ക്കാര് നിയന്ത്രണത്തിലുള്ള അര്ധസര്ക്കാര്, സഹകരണ സ്വയംഭരണസ്ഥാപനങ്ങള്ക്കും ഉത്തരവ് ബാധകമായിരിക്കും. ഇത് സംബന്ധിച്ച് എല്ലാ വകുപ്പുകള്ക്കും ഉത്തരവിന്റെ പകര്പ്പ് നല്കിയതായും ഉത്തരവില് വ്യക്തമാക്കുന്നു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
