ജോഫിന് ടി ചാക്കോയുടെ സംവിധാനത്തില് ആസിഫ് അലിയും അനശ്വര രാജനും കേന്ദ്ര കഥാപാത്രങ്ങളെ അവതരിപ്പിക്കുന്ന ‘രേഖാചിത്രം’ 2025 ജനുവരി 9ന് തിയറ്ററുകളിലെത്തും. കാവ്യ ഫിലിം കമ്പനി, ആന് മെഗാ മീഡിയ എന്നീ ബാനറുകളില് വേണു കുന്നപ്പിള്ളിയാണ് ചിത്രം നിര്മ്മിക്കുന്നത്. ചിത്രത്തിന്റെ പുതിയ പോസ്റ്റര് അണിയറ പ്രവര്ത്തകര് പുറത്തുവിട്ടിട്ടുണ്ട്. ആസിഫ് അലി, അനശ്വര രാജന് എന്നിവര്ക്കൊപ്പം അവിസ്മരണീയ അഭിനയം കാഴ്ചവെച്ച് പ്രേക്ഷകരെ അടിമുടി ഞെട്ടിച്ച മനോജ് കെ ജയന്, ഇന്ദ്രന്സ്, ഹരിശ്രീ അശോകന് തുടങ്ങിയവരും സുപ്രധാന വേഷങ്ങളിലെത്തുന്ന ഈ ചിത്രത്തില് പ്രേക്ഷകര് ഇതുവരെ കാണാത്ത വിധത്തില് വ്യത്യസ്തമായ ലുക്കിലാണ് താരങ്ങള് അണിനിരക്കുന്നത്. ഇതൊരു ഇന്വെസ്റ്റിഗേഷന് ത്രില്ലറാണെന്നാണ് സൂചന. ജോഫിന് ടി ചാക്കോ, രാമു സുനില് എന്നിവരുടെ കഥക്ക് ജോണ് മന്ത്രിക്കലാണ് തിരക്കഥ തയ്യാറാക്കിയത്.
മെഗാസ്റ്റാര് മമ്മൂട്ടിയുടെ സൂപ്പര്ഹിറ്റ് ചിത്രം ‘ദി പ്രീസ്റ്റ്’ന് ശേഷം ജോഫിന് ടി ചാക്കോ സംവിധാനം ചെയ്യുന്ന ഈ സിനിമ ‘മാളികപ്പുറം’, ‘2018’ ‘ആനന്ദ് ശ്രീബാല’ എന്നീ ചിത്രങ്ങള്ക്ക് ശേഷം കാവ്യ ഫിലിം കമ്പനിയും ആന് മെഗാ മീഡിയയും ഒന്നിക്കുന്ന ചിത്രമാണ്. വമ്പന് ബജറ്റിലാണ് ചിത്രം ഒരുങ്ങുന്നത്. പോലീസ് ഗെറ്റപ്പില് ആസിഫ് അലിയും കന്യാസ്ത്രി വേഷത്തില് അനശ്വര രാജനും പ്രത്യക്ഷപ്പെട്ട ചിത്രത്തിന്റെ ഫസ്റ്റ്ലുക്ക് പോസ്റ്ററിന് ഗംഭീര വരവേല്പ്പാണ് ലഭിച്ചിരുന്നത്. നിഗൂഢതകള് ഒളിപ്പിച്ചെത്തിയ സെക്കന്ഡ് ലുക്കും പ്രേക്ഷക സ്വീകാര്യത നേടിയിരുന്നു. ഭാമ അരുണ്, സിദ്ദിഖ്, ജഗദീഷ്, സായികുമാര്, ശ്രീകാന്ത് മുരളി, നിഷാന്ത് സാഗര്, പ്രേംപ്രകാശ്, സുധി കോപ്പ, മേഘ തോമസ്, സെറിന് ശിഹാബ് (‘ആട്ടം’ ഫെയിം) തുടങ്ങിയവരാണ് മറ്റ് അഭിനേതാക്കള്.
ഛായാഗ്രഹണം: അപ്പു പ്രഭാകര്, ചിത്രസംയോജനം: ഷമീര് മുഹമ്മദ്, കലാസംവിധാനം: ഷാജി നടുവില്, സംഗീത സംവിധാനം: മുജീബ് മജീദ്, ഓഡിയോഗ്രഫി: ജയദേവന് ചാക്കടത്ത്, ലൈന് പ്രൊഡ്യൂസര്: ഗോപകുമാര് ജി കെ, പ്രൊഡക്ഷന് കണ്ട്രോളര്: ഷിബു ജി സുശീലന്, വസ്ത്രാലങ്കാരം: സമീറ സനീഷ്, മേക്കപ്പ്: റോണക്സ് സേവ്യര്, വിഫ്എക്സ്: മൈന്ഡ്സ്റ്റീന് സ്റ്റുഡിയോസ്, വിഫ്എക്സ് സൂപ്പര്വൈസര്സ്: ആന്ഡ്രൂ ഡി ക്രൂസ്, വിശാഖ് ബാബു, കളറിസ്റ്റ്: ലിജു പ്രഭാകര്, കളറിംഗ് സ്റ്റുഡിയോ: രംഗ് റെയ്സ്, ചീഫ് അസോസിയേറ്റ് ഡയറക്ടര്: ബേബി പണിക്കര്, പ്രേംനാഥ്, പ്രൊഡക്ഷന് കോര്ഡിനേറ്റര്: അഖില് ശൈലജ ശശിധരന്, കാവ്യ ഫിലിം കമ്പനി മാനേജേഴ്സ്: ദിലീപ്, ചെറിയാച്ചന് അക്കനത്, അസോസിയേറ്റ് ഡയറക്ടര്: ആസിഫ് കുറ്റിപ്പുറം, സംഘട്ടനം: ഫാന്റം പ്രദീപ്, സ്റ്റില്സ്: ബിജിത് ധര്മ്മടം, ഡിസൈന്: യെല്ലോടൂത്ത്, പി ആര് ഒ & മാര്ക്കറ്റിംഗ്: വൈശാഖ് വടക്കേവീട്, ജിനു അനില്കുമാര്.
