HIGHLIGHTS : ടെഹ്‌റാന്‍: പര്‍ദ്ദ ധരിക്കാതെ യുവാക്കള്‍ക്കൊപ്പം നൃത്തം ചവിട്ടിയ 3 ഇറാനിയന്‍ യുവതികള്‍ക്ക് ചാട്ടയടിയും, തടവുശിക്ഷയും. ഇവര്‍ നൃത്തം ചെയ്യുന്ന ദൃശ്യങ...
ടെഹ്‌റാന്‍: പര്‍ദ്ദ ധരിക്കാതെ യുവാക്കള്‍ക്കൊപ്പം നൃത്തം ചവിട്ടിയ 3 ഇറാനിയന്‍ യുവതികള്‍ക്ക് ചാട്ടയടിയും, തടവുശിക്ഷയും. ഇവര്‍ നൃത്തം ചെയ്യുന്ന ദൃശ്യങ്ങള്‍ യൂ ട്യൂബിലൂടെ പുറത്ത് വന്നതോടെയാണ് ഇറാനിയന്‍ അധികൃതര്‍ നടപടിയെടുത്തത്. വീഡിയോ ഓണ്‍ലൈനില്‍ അപ്‌ലോഡ് ചെയ്ത യുവതിക്ക് 1 വര്‍ഷം തടവും 91 ചാട്ടയടിയും നല്‍കിയപ്പോള്‍ 6 മാസം തടവും 91 ചാട്ടയടിയുമാണ് മറ്റുളളവര്‍ക്ക് ലഭിച്ച ശിക്ഷ.
തീര്‍ത്തും സ്വാകര്യമായി സ്മാര്‍ട്ട്‌ഫോണില്‍ ചിത്രീകരിച്ച രംഗം 10 ലക്ഷത്തിലേറെ പേരാണ് യൂട്യൂബില്‍ കണ്ടത്. ഇസ്ലാമിക മൂല്ല്യങ്ങളുടെ ലംഘനമായാണ് അധികൃതര്‍ ഇതിനെ വിശേഷിപ്പിച്ചത്. അതെസമയം സംഭവത്തില്‍ ഖേദപ്രകടിപ്പിച്ച ഇവര്‍ക്ക് പിന്നീട് ജാമ്യം നല്‍കുകയായിരുന്നു.
