ന്യൂഡല്ഹി: രാജ്യത്ത് പ്രതിദിന കോവിഡ് രോഗബാധയില് വന് വര്ധനവ്. ഇന്ന് ഒന്നരലക്ഷം കോവിഡ് കേസുകളാണ് റിപ്പോര്ട്ട് ചെയ്തിരിക്കുന്നത്. മഹാമാരി ആരംഭിച്ചതിന് ശേഷമുള്ള രാജ്യത്തെ ഏറ്റവും ഉയര്ന്ന പ്രതിദിന രോഗബാധയാണിത്.
India reports 1,52,879 new #COVID19 cases, 90,584 discharges, and 839 deaths in the last 24 hours, as per Union Health Ministry
Total cases: 1,33,58,805
Total recoveries: 1,20,81,443
Active cases: 11,08,087
Death toll: 1,69,275Total vaccination: 10,15,95,147 pic.twitter.com/fIaVAfpviB
— ANI (@ANI) April 11, 2021
ഏറ്റവും അധികം കോവിഡ് കേസുകളും മരണങ്ങളും റിപ്പോര്ട്ട് ചെയ്ത മഹാരാഷ്ട്രയില് തന്നെയാണ് ഇപ്പോഴും കൂടുതല് കേസുകള് റിപ്പോര്ട്ട് ചെയ്തിരിക്കുന്നത്.
കേന്ദ്ര ആരോഗ്യമന്ത്രാലയം പുറത്തുവിട്ട കണക്ക് അനുസരിച്ച് കഴിഞ്ഞ 24 മണിക്കൂറിനിടെ 1,52,879 കൊവിഡ് കേസുകളാണ് രാജ്യത്ത് റിപ്പോര്ട്ട് ചെയ്തിരിക്കുന്നത്. ഇതോടെ ആകെ കോവിഡ് ബാധിതരുടെ എണ്ണം 1,33,58,805 ആയി ഉയര്ന്നിരിക്കുകയാണ്. 11,08,087 ആക്ടീവ് കോവിഡ് കേസുകളാണ് നിലവില് രാജ്യത്തുള്ളത്. 1,20,81,443 പേര്ക്ക് രോഗമുക്തി ലഭിച്ചതായും ആരോഗ്യ മന്ത്രാലയം വ്യക്തമാക്കി. കഴിഞ്ഞദിവസം 90,584 പേരാണ് രോഗം ഭേദമായി ആശുപത്രി വിട്ടത്.
രാജ്യത്ത് ഇതുവരെ വാക്സിന് സ്വീകരിച്ചവരുടെ എണ്ണം 10,15,95,147 ആയി. കഴിഞ്ഞ 24 മണിക്കൂറിനിടെ റിപ്പോര്ട്ട് ചെയ്ത കോവിഡ് മരണങ്ങളിലും വന് വര്ധനവാണ് ഉണ്ടായിരിക്കുന്നത്. കഴിഞ്ഞ 24 മണിക്കൂറിനിടെ 839 മരണമാണ് റിപ്പോര്ട്ട് ചെയ്തിരിക്കുന്നത്. ഇതോടെ രാജ്യത്തെ ആകെ കോവിഡ് മരണങ്ങള് 1,69,275 ആയി ഉയര്ന്നിരിക്കുകയാണ്. കഴിഞ്ഞ ഏതാനം ദിവസങ്ങളായി രാജ്യത്ത് റിപ്പോര്ട്ട് ചെയ്യുന്ന കോവിഡ് മരണങ്ങള് ഉയര്ന്ന് വരികയാണ്.
#COVID19 | 25,66,26,850 samples have been tested till April 10 including 14,12,047 samples tested yesterday: Indian Council of Medical Research (ICMR) pic.twitter.com/bI2DnmoQKW
— ANI (@ANI) April 11, 2021
കേരളത്തിലും പ്രതിദിന രോഗബാധ ഉയരുകയാണ്. സംസ്ഥാനത്ത് ഇന്ന് 6986 പേര്ക്ക് കൊവിഡ്-19 സ്ഥിരീകരിച്ചു. ഇതോടെ ചികിത്സയിലുള്ളവരുടെ എണ്ണം 44,389 ആയി. 23358 പേര് രോഗമുക്തി നേടി. കഴിഞ്ഞ 24 മണിക്കൂറിനിടെ 65,003 സാമ്പിളുകള് പരിശോധിച്ചിരുന്നു.
