HIGHLIGHTS : Crime Branch registers case in Sabarimala gold robbery; 10 people including Unnikrishnan Potty are accused
കൊച്ചി: ശബരിമല സ്വര്ണക്കൊള്ളയില് കേസെടുത്ത് ക്രൈംബ്രാഞ്ച്. ഒന്നാം പ്രതിയായ ഉണ്ണികൃഷ്ണന് പോറ്റി ഉള്പ്പടെ ദേവസ്വം ജീവനക്കാരായ 10 പേര് കേസില് പ്രതികളാണ്. ക്രൈംബ്രാഞ്ച് ആസ്ഥാനത്ത് വെച്ചാണ് കേസെടുത്തത്. ദ്വാരപാലക ശില്പത്തിലെയും വാതില്പടിയിലെയും സ്വര്ണം കടത്തിയതില് വെവ്വേറെ എഫ്ഐആറുകളാണ് രജിസ്റ്റര് ചെയ്തിട്ടുള്ളത്. മോഷണം,വിശ്വാസ വഞ്ചന,ഗൂഡാലോചന എന്നീ വകുപ്പുകള് ചുമത്തിയാണ് കേസെടുത്തിരിക്കുന്നത്.ഹൈക്കോടതി നിര്ദേശത്തിന്റെ അടിസ്ഥാനത്തിലാണ് കേസെടുത്തിട്ടുള്ളത്.
ദേവസ്വം ബോര്ഡ് ഉദ്യോഗസ്ഥരായിരുന്ന അഡ്മിനിസ്ട്രേറ്റീവ് ഓഫീസര് മുരാരി ബാബു, മുന് ദേവസ്വം ബോര്ഡ് സെക്രട്ടറി എസ് ജയശ്രീ, മുന് തിരുവാഭരണം കമീഷ്ണര്മാരായ കെ എസ് ബൈജു, ആര് ജി രാധാകൃഷ്ണന്, മുന് എക്സിക്യൂട്ടീവ് ഓഫീസര്മാരായ ഡി സുധീഷ് കുമാര്, വി എസ് രാജേന്ദ്രപ്രസാദ്, അസി. എന്ജിനിയര് കെ സുനില്കുമാര്, മുന് അഡ്മിനിസ്ട്രേറ്റീവ് ഓഫീസര് എസ് ശ്രീകുമാര്, മുന് അഡ്മിനിസ്ട്രേറ്റീവ് ഓഫീസര് കെ രാജേന്ദ്രന് നായര് എന്നിവരാണ് മറ്റ് പ്രതികള്.ഉണ്ണികൃഷ്ണന് പോറ്റിയുടെ രണ്ട് സുഹൃത്തുക്കളും കേസില് പ്രതി ചേര്ത്തിട്ടുണ്ട്. കസ്റ്റഡി അടക്കമുള്ള നടപടികളിലേക്ക് കടക്കുമെന്നാണ് സൂചന.
ഡിജിപിയുടെ നിര്ദേശത്തിന്റെ അടിസ്ഥാനത്തിലായിരുന്നു കേസ് പ്രത്യേക അന്വേഷണ സംഘത്തിന് കൈമാറിയിട്ടുള്ളത്. എസ്ഐടി സംഘം പത്തനംതിട്ട കേന്ദ്രീകരിച്ച് ക്യാമ്പ് ചെയ്ത് നാളെ മുതല് അന്വേഷണം ആരംഭിക്കും. സ്മാര്ട്ട് ക്രീയേഷന്സ് ഉള്പ്പടെ കേസില് പ്രതികളായതിനാല് സംസ്ഥാനത്തിന് പുറത്തേക്കും അന്വേഷണം വ്യാപിപ്പിക്കും. ദേവസ്വം വിജിലന്സിന്റെ കണ്ടെത്തല് അതെ രീതിയില് തന്നെ എഫ്ഐആറില് ഉള്പ്പെടുത്തിയിട്ടുണ്ട്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ
ലിങ്കില് ക്ലിക്ക് ചെയ്യു
