ഇംഫാല്: സംഘര്ഷം പടരുന്ന മണിപ്പൂരില് മുഖ്യമന്ത്രി ബിരേന് സിംഗിന്റെ വീടിന് നേരെയും ആക്രമണം. പലയിടത്തും മന്ത്രിമാരുടെയും ജനപ്രതിനിധികളുടെയും വീടുകള് തകര്ത്തു. ആരാധനാലയങ്ങള്ക്ക് നേരെയും ആക്രമണം. പോലീസ് അക്രമികള്ക്ക് നേരെ ടിയര് ഗ്യാസ് പ്രയോഗിച്ചു. ഇംഫാല് വെസ്റ്റിലും ഇംഫാല് ഈസ്റ്റിലും കര്ഫ്യൂവും ഏര്പ്പെടുത്തിയിട്ടുണ്ട്. ഇംഫാല് താഴ്വരയില് അക്രമ സംഭവങ്ങള് വ്യാപകമായി റിപ്പോര്ട്ട് ചെയ്യപ്പെട്ടതിന് പിന്നാലെയാണ് നടപടി.
സായുധ സംഘം തട്ടിക്കൊണ്ടുപോയ ആറ് പേരുടെ മൃതദേഹങ്ങള് ജിരിബാമില് കണ്ടെത്തിയിരുന്നു. മണിപ്പൂര്-അസം അതിര്ത്തിയോട് ചേര്ന്ന ജിരിബാം ജില്ലയിലെ ജിരിമുഖ് എന്ന വിദൂര ഗ്രാമത്തിലെ നദിക്ക് സമീപം വെള്ളിയാഴ്ച വൈകുന്നേരമാണ് ഇവരുടെ മൃതദേഹം കണ്ടെത്തിയത്. ഇതോടെ പുതിയ പ്രതിഷേധം പൊട്ടിപ്പുറപ്പെട്ടു. ഇവരെ കണ്ടെത്താന് സര്ക്കാരിന്റെ ശ്രമങ്ങള് കാര്യക്ഷമമല്ല എന്നാണ് പരാതി. അഫ്സ്പ പുനഃസ്ഥാപിച്ച നടപടി പിന്വലിക്കണം എന്ന് സംസ്ഥാന സര്ക്കാര് കേന്ദ്ര സര്ക്കാരിനോട് ആവശ്യപ്പെട്ടു.
ഇംഫാല് ഉള്പ്പെടെയുള്ള സ്ഥലങ്ങളില് ഇന്റര്നെറ്റിന് നിരോധനം ഏര്പ്പെടുത്തി.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
