തിരുവനന്തപുരം: വാഹനാപകടത്തില് ആലപ്പുഴ മെഡിക്കല് കോളജിലെ വിദ്യാര്ത്ഥികള് മരിച്ച സംഭവത്തില് അനുശോചനം രേഖപ്പെടുത്തി മുഖ്യമന്ത്രി പിണറായി വിജന്.
ആലപ്പുഴ ദേശീയപാതയില് കളര്കോട് വാഹനാപകടത്തില് അഞ്ച് മെഡിക്കല് വിദ്യാര്ത്ഥികള് മരണപ്പെട്ട സംഭവം അത്യന്തം വേദനാജനകമാണ്.
ആലപ്പുഴ ഗവ. മെഡിക്കല് കോളേജിലെ ഒന്നാം വര്ഷ എംബിബിഎസ് വിദ്യാര്ഥികളായ കണ്ണൂര് സ്വദേശി മുഹമ്മദ് അബ്ദുള് ജബ്ബാര്, ലക്ഷദ്വീപ് സ്വദേശി മുഹമ്മദ് ഇബ്രാഹിം, മലപ്പുറം സ്വദേശി ദേവാനന്ദന്, ആലപ്പുഴ സ്വദേശി ആയുഷ് ഷാജി, പാലക്കാട് സ്വദേശി ശ്രീദീപ് എന്നിവര്ക്കാണ് ജീവന് നഷ്ടമായത്. ചിലര്ക്ക് ഗുരുതരമായി പരിക്കേല്ക്കുകയും ചെയ്തു.
മരണപ്പെട്ടവരുടെ വേര്പാടില് അനുശോചനം രേഖപ്പെടുത്തുന്നു. കുടുംബാംഗങ്ങളുടെ ദുഃഖത്തില് പങ്കു ചേരുന്നുവെന്നും മുഖ്യമന്ത്രി.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
