പെരിന്തല്മണ്ണ: പൊലീസ് ചമഞ്ഞ് ഇതരസംസ്ഥാന തൊഴിലാളികളില്നിന്ന് കാല്ലക്ഷം രൂപയോളം തട്ടിയെടുത്ത മൂന്നുപേര് അറസ്റ്റില്. തിരൂര് പാലക്കാനത്ത് മുഹമ്മദ് റാഫി (39), തിരൂര് തെക്കന് കുറ്റൂര് തോട്ടുംപുറത്ത് അബ്ദുള് ദില്ഷാദ് (40), ഇവരുടെ സഹായി അസം സ്വദേശി റതിബുര് റഹ്മാന് (23) എന്നിവരെയാണ് പെരിന്തല്മണ്ണ പൊലീസ് ഇന്സ്പെക്ടര് എ പ്രേംജിത്തിന്റെ നേതൃത്വത്തില് അറസ്റ്റുചെയ്തത്.
ജൂലൈ 23-ന് പെരിന്തല്മണ്ണ– കോഴിക്കോട് റോഡില് ഇതരസംസ്ഥാന തൊഴിലാളി കുടുംബം താമസിക്കുന്ന വീട്ടില് പൊലീസാണെന്ന് പറഞ്ഞ് അതിക്രമിച്ച് കയറിയാണ് പണം തട്ടിയത്. ലഹരിവസ്തുക്കളുണ്ടോയെന്നും വീട് പരിശോധിക്കണമെന്നും പറഞ്ഞ് വീട്ടുടമയെയും ഭാര്യയെയും ഭീഷണിപ്പെടുത്തി. വീഡിയോ എടുത്ത് പണം ആവശ്യപ്പെടുകയായിരുന്നെന്ന് പൊലീസ് പറഞ്ഞു.
അസം സ്വദേശിയുടെ സഹായത്തോടെയാണ് ഇതര സംസ്ഥാന തൊഴിലാളികളുടെ താമസസ്ഥലങ്ങള് കണ്ടെത്തിയത്. പ്രതികള് മഞ്ചേരി, വല്ലപ്പുഴ എന്നിവിടങ്ങളിലും സമാനരീതിയില് തട്ടിപ്പുനടത്തിയിട്ടുണ്ട്. ഇവര് ഉപയോഗിച്ചിരുന്ന സ്കോര്പിയോ കാറും കസ്റ്റഡിയിലെടുത്തു. പെരിന്തല്മണ്ണ കോടതിയില് ഹാജരാക്കിയ പ്രതികളെ റിമാന്ഡ് ചെയ്തു.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
