ന്യൂഡല്ഹി: പെട്രോള് പമ്പുകള് വഴിയും റേഷന് കടകള് വഴിയും റേഷന് മണ്ണെണ്ണ വിതരണത്തിന് അനുമതി നല്കി കേന്ദ്രസര്ക്കാര്. പശ്ചിമേഷ്യന് സംഘര്ഷങ്ങള്ക്കിടെ എല്പിജി ക്ഷാമം രൂക്ഷമാകുന്ന പശ്ചാത്തലത്തിലാണ് മണ്ണെണ്ണ വിതരണം ലഘൂകരിച്ചുകൊണ്ട് പെട്രോള് മന്ത്രാലയത്തിന്റെ നടപടി. വീടുകളില് മണ്ണെണ്ണ വേഗത്തില് വിതരണം ചെയ്യുന്നതിനായി പെട്രോളിയം സുരക്ഷാ, ലൈസന്സിങ് നിയമങ്ങളില് ഇളവ് വരുത്തുകയാണെന്നും കേന്ദ്രസര്ക്കാര് അറിയിച്ചു.പൊതുമേഖലാ എണ്ണ കമ്പനികൾ നടത്തുന്ന പെട്രോൾ പമ്പുകൾക്ക് മണ്ണെണ്ണ സംഭരിക്കാനും വിതരണം ചെയ്യാനും അനുവാദം നൽകി.രണ്ടു മാസത്തേക്കാണ് ചട്ടങ്ങളിൽ ഇളവ് വരുത്തിയിരിക്കുന്നത്.
പെട്രോൾ പമ്പ് വഴി മണ്ണെണ്ണ വിതരണം ചെയ്യും. മണ്ണെണ്ണമുക്തമായ 21 സംസ്ഥാനങ്ങളിലും കേന്ദ്രഭരണപ്രദേശങ്ങളിലും നടപടികള് ലഘൂകരിച്ചു. പെട്രോളിയം മന്ത്രാലയം ഒരു ജില്ലയിലെ രണ്ട് പെട്രോൾ പമ്പുകൾക്ക് 5000 ലിറ്റർ വരെ മണ്ണെണ്ണ സൂക്ഷിക്കാൻ അനുമതി നൽകി. മണ്ണെണ്ണ മലിനീകരണം വർധിപ്പിക്കുന്ന ഇന്ധനമായതിനാലാണ് പല സംസ്ഥാനങ്ങളും അവ ഒഴിവാക്കിയിരുന്നത്.
എല്പിജി ലഭ്യമാകാത്ത സാഹര്യത്തില് മണ്ണെണ്ണ പാചകത്തിന് ലഭ്യമാക്കുക എന്ന ലക്ഷ്യത്തോടെയാണ് മണ്ണെണ്ണ സൂക്ഷിക്കുന്നതിനും വിതരണം ചെയ്യുന്നതിനും ചട്ടങ്ങളില് മാറ്റം വരുത്തിയത്. മണ്ണെണ്ണയുടെ താല്ക്കാലിക വിതരണം സാധ്യമാക്കാന് ഈ നടപടികള് സഹായിക്കുമെന്ന് പെട്രോളിയം, പ്രകൃതിവാതക മന്ത്രാലയം ഔദ്യോഗിക വിജ്ഞാപനത്തില് പറഞ്ഞു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ ലിങ്കില് ക്ലിക്ക് ചെയ്യു
