HIGHLIGHTS : തിരുവനന്തപുരം: ജനസംഖ്യ രജിസ്റ്ററും പൗരത്വ രജിസ്റ്ററും നടപ്പാക്കില്ലെന്ന് കേരളം. ഇന്ന് നടന്ന മന്ത്രിസഭാ യോഗത്തിലാണ് തീരുമാനം. എന്നാല് നിലവില് നടക്...
തിരുവനന്തപുരം: ജനസംഖ്യ രജിസ്റ്ററും പൗരത്വ രജിസ്റ്ററും നടപ്പാക്കില്ലെന്ന് കേരളം. ഇന്ന് നടന്ന മന്ത്രിസഭാ യോഗത്തിലാണ് തീരുമാനം. എന്നാല് നിലവില് നടക്കുന്ന സെന്സസുമായി സഹകരിക്കും. തദ്ദേശ വാര്ഡ് വിഭജന ബില്ലിന്റെ കരടിനും മന്ത്രിസഭ അംഗീകാരം നല്കി.
തദ്ദേശ വാര്ഡുകള് വിഭജിക്കുന്നതിനുള്ള ഓര്ഡിനന്സില് ഗവര്ണര് ഇതുവരെ ഒപ്പുവച്ചിട്ടില്ല. അതെസമയം ഗവര്ണര് നല്കിയ ഓഡിനന്സില് തീരുമാനിച്ച പ്രകാരം തന്നെ മുന്നോട്ടുപോകുമെന്ന് മന്ത്രിസഭാ യോഗത്തില് തീരുമാനമായി. 30 മുതല് നിയമസഭാ സമ്മേളനം തുടങ്ങാനുള്ള ശുപാര്ശയും സര്ക്കാര് ഗവര്ണര്ക്ക് സമര്പ്പിക്കും. ഗവര്ണറുടെ നയപ്രഖ്യാപനത്തോടെയാണ് നിയമസഭാ സമ്മേളനം തുടങ്ങുന്നത്.
പൗരത്വ രജിസ്റ്റര് കേരളം നടപ്പാക്കില്ലെന്നും പൗരത്വ രജിസ്റ്റര് നടപ്പാക്കാനുള്ള എല്ലാ നടപടികളും സംസ്ഥാനം സ്റ്റേ ചെയ്തതായും മുഖ്യമന്ത്രി പിണറായി വിജയന് നേരത്തെ വ്യക്തമാക്കിയിരുന്നു.