കാലിക്കറ്റ് സർവകലാശാല വാർത്തകൾ; ഗാന്ധി ചെയർ അവാർഡ് തുഷാർ ഗാന്ധിക്ക് സമ്മാനിച്ചു

കാലിക്കറ്റ് സർവകലാശാലാ ചെയർ ഫോർ ഗാന്ധിയൻ സ്റ്റഡീസ് ആന്റ് റിസർച്ചിന്റെ 2023-ലെ ഗാന്ധി ചെയർ അവാർഡ് വൈസ് ചാൻസിലർ ഡോ. പി. രവീന്ദ്രൻ തുഷാർ ഗാന്ധിക്ക് സമ്മാനിച്ചു. രജിസ്ട്രാർ ഡോ. ഡിനോജ് സെബാസ്റ്റ്യൻ ഉപഹാരം സമർപ്പിച്ചു. ചെയർ വിസിറ്റിങ് പ്രൊഫസർ ഡോ. ആർസു അധ്യക്ഷനായി. സിൻഡിക്കേറ്റംഗങ്ങളായ അഡ്വ. എൽ.ജി. ലിജീഷ്, ഡോ. ടി. വസുമതി, ടി.ജെ. മാർട്ടിൻ, പി. മധു, പൊളിറ്റിക്കൽ സയൻസ് പഠനവകുപ്പ് മേധാവി ഡോ. പി. ശിവദാസൻ, മുൻ മേധാവി ഡോ. സാബു തോമസ്, ചെയർ കോ – റോഡിനേറ്റർ പി. പ്രേമരാജൻ, ചെയർ ഭരണസമിതി അംഗംങ്ങളായ ആർ.എസ് പണിക്കർ, ടി. ബാലകൃഷ്ണൻ, ഡോ. എസ്. രാധ, ഡോ. എം.സി.കെ. വീരാൻ, ആർ. ശ്രീലത, വിവിധ സംഘടനാ പ്രതിനിധികളായ ഡോ. സി.ഡി. സെബാസ്റ്റ്യൻ, കെ. പ്രവീൺ കുമാർ തുടങ്ങിയവർ പങ്കെടുത്തു.

ഫോട്ടോ 1 :കാലിക്കറ്റ് സർവകലാശാലാ ഗാന്ധി ചെയർ അവാർഡ് തുഷാർ ഗാന്ധിക്ക് വൈസ് ചാൻസിലർ ഡോ. പി. രവീന്ദ്രൻ സമ്മാനിക്കുന്നു.

ഫോട്ടോ 2 : കാലിക്കറ്റ് സർവകലാശാലയിൽ ഗാന്ധി ചെയർ അവാർഡ് ഏറ്റുവാങ്ങി തുഷാർ ഗാന്ധി സംസാരിക്കുന്നു.

സ്വിമ്മിങ്ങ് സമ്മര്‍ കോച്ചിംഗ് ക്യാമ്പ്

കാലിക്കറ്റ് സര്‍വ്വകലാശാല കായികപഠന വിഭാഗത്തിന്റെ നേതൃത്വത്തില്‍ സര്‍വ്വകലാശാല സ്വിമ്മിങ്ങ് പൂളില്‍ വെച്ച് 2025 ഏപ്രില്‍, മെയ് മാസങ്ങളില്‍ സ്വിമ്മിങ്ങ് സമ്മര്‍ കോച്ചിംഗ് ക്യാമ്പ് നടത്തപ്പെടുന്നു.6 വയസ്സ് (3.5 ഉയരം) മുതല്‍ 17 വയസ്സ് വരെ പ്രായമുള്ള ആണ്‍കുട്ടികള്‍ക്കും, പെണ്‍കുട്ടികള്‍ക്കും അപേക്ഷിക്കാവുന്നതാണ്.
ഏപ്രില്‍ 7-ാം തിയ്യതി മുതല്‍ പരിശീലനം ആരംഭിക്കുന്നതാണ്.
പങ്കെടുക്കുവാന്‍ താല്‍പര്യമുള്ളവര്‍ നിര്‍ദ്ദിഷ്ഠ ഫോറത്തില്‍ പൂരിപ്പിച്ച അപേക്ഷകള്‍, 2 ഫോട്ടോ, ആധാര്‍കാര്‍ഡിന്റെ പകര്‍പ്പും ഫീസ് അടച്ച രസീതും സഹിതം സ്വിമ്മിംങ്ങ് പൂള്‍ ഓഫീസില്‍ സമര്‍പ്പിക്കേണ്ടതാണ്. അപേക്ഷ ഫോം അക്വാട്ടിക് കോംപ്ലക്‌സ് ഓഫീസിലും സര്‍വ്വകലാശാല വെബ്‌സൈറ്റിലും ലഭ്യമാണ് (www.uoc.ac.in) 9567945527

കാലിക്കറ്റ് സർവകലാശാലാ പൊതുപ്രവേശന പരീക്ഷ

( CU – CET 2025 )

2025 – 2026 അധ്യയന വർഷത്തെ കാലിക്കറ്റ് സർവകലാലാ വിവിധ പഠനവകുപ്പുകളിലെ പി.ജി. / ഇന്റഗ്രേറ്റഡ് പി.ജി., സർവകലാശാലാ സെന്റർ / അഫിലിയേറ്റഡ് കോളേജുകളിലെ എം.സി.എ., എം.എസ്.ഡബ്ല്യൂ., ബി.പി.എഡ്., ബി.പി.ഇ.എസ്. (ഇന്റഗ്രേറ്റഡ്), എം.പി.എഡ്., എം.എ. ജേണലിസം ആന്റ് മാസ് കമ്മ്യൂണിക്കേഷൻ, എം.എസ് സി. ഹെൽത് ആന്റ് യോഗാ തെറാപ്പി, എം.എസ് സി. ഫോറൻസിക് സയൻസ് എന്നീ പ്രോഗ്രാമുകളിൽ പ്രവേശനത്തിനായി നടത്തുന്ന പൊതു പരീക്ഷയുടെ ( CU – CET 2025 ) ഓൺലൈൻ രജിസ്‌ട്രേഷൻ മാർച്ച് അവസാന വാരത്തോടെ ആരംഭിക്കും. പ്രവേശന പരീക്ഷ മെയ് ആറ്, ഏഴ്, എട്ട് തീയതികളിൽ വിവിധ സെന്ററുകളിലായി നടക്കും.

പരീക്ഷാഫലം

വിദൂര വിഭാഗം രണ്ടാം സെമസ്റ്റർ ( CUCBCSS – UG – 2014 മുതൽ 2016 വരെ പ്രവേശനം ) ബി.എ., ബി.എം.എം.സി. സെപ്റ്റംബർ 2022 ഒറ്റത്തവണ റഗുലർ സപ്ലിമെന്ററി പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് 25 വരെ അപേക്ഷിക്കാം.

വിദൂര വിഭാഗം രണ്ടാം സെമസ്റ്റർ ( CUCBCSS – UG – 2014 മുതൽ 2016 വരെ പ്രവേശനം ) ബി.എസ് സി. – മാത്തമാറ്റിക്സ്, കൗൺസിലിംഗ് സൈക്കോളജി സെപ്റ്റംബർ 2022 ഒറ്റത്തവണ റഗുലർ സപ്ലിമെന്ററി പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് 27 വരെ അപേക്ഷിക്കാം.

മൂന്നാം സെമസ്റ്റർ ( CCSS – 2023 പ്രവേശനം ) എം.എ. സോഷ്യോളജി നവംബർ 2024 പരീക്ഷയുടെ ഫലം പ്രസിദ്ധീകരിച്ചു.

മൂന്നാം സെമസ്റ്റര്‍ ( CCSS)  നവംബര്‍ 2024 എം.കോം  പരീക്ഷയുടെ ഫലം പ്രസിദ്ധീകരിച്ചു.

ഒന്നും മൂന്നും സെമസ്റ്റര്‍ എം.എസ്.ഡബ്ല്യു ഒറ്റത്തവണ റഗുലര്‍ സപ്ലിമെന്ററി പരീക്ഷ (സി.യു.സി.എസ്.എസ്) (2018 അഡ്മിഷന്‍) പരീക്ഷകളുടെ പരീക്ഷാഫലം പ്രസിദ്ധീകരിച്ചു. പുനര്‍മൂല്യനിര്‍ണയം/സൂക്ഷ്മപരിശോധന/സക്രിപ്റ്റുകളുടെ ഫോട്ടോ പകര്‍പ്പ് എന്നിവയ്ക്ക് അപേക്ഷിക്കാനുള്ള അവസാന തീയതി 27-03-2025

വിദൂര വിദ്യാഭ്യാസ കേന്ദ്രം നാലാം സെമസ്റ്റര്‍ ബി.എ. അഫ്‌സല്‍ ഉല്‍ ഉലമ/ബി.എ.പൊളിറ്റിക്കല്‍ സയന്‍സ്/ബി.കോം/ബി.ബി..എ (സി.ബി.സി.എസ്.എസ്.-യു.ജി.) റെഗുലര്‍ പരീക്ഷ എപ്രില്‍ 2025 പുന:പ്രവേശം/സ്ട്രീം ചെയ്ഞ്ച് ചെയ്തവര്‍ക്ക് 2025 മാര്‍ച്ച് 17 മുതല്‍ മാര്‍ച്ച് 28 വരെ പിഴ കൂടാതെ അപേക്ഷിക്കാം.