കാലിക്കറ്റില് ഗവേഷണ വിദ്യാര്ഥികള്ക്ക് പുതിയ ഹോസ്റ്റലൊരുങ്ങുന്നു
കാലിക്കറ്റ് സര്വകലാശാലയിലെ ഗവേഷണ വിദ്യാര്ഥികള്ക്ക് താമസിക്കാനുള്ള ഹോസ്റ്റല് കെട്ടിടത്തിന്റെ നിര്മാണം തുടങ്ങി. പുരുഷ ഹോസ്റ്റല് വളപ്പിനകത്തായുള്ള അനക്സ് രണ്ടില് ഒന്നും രണ്ടും നിലകളാണ് പണിയുന്നത്. 21500 ചതുരശ്ര അടി വിസ്തീര്ണുള്ള കെട്ടിടത്തിന് 4.85 കോടി രൂപയാണ് ചെലവ്. ഒരു വര്ഷത്തിനകം പണി പൂര്ത്തീകരിക്കുമെന്ന് സര്വകലാശാലാ എന്ജിനീയറിങ് വിഭാഗം അറിയിച്ചു. 60 മുറികളിലായി 168 പേര്ക്ക് താമസിക്കാനാകും. ഇതിന് പുറമെ നാല് വായന മുറികളും ഉണ്ടാകും. പ്രവൃത്തി ഉദ്ഘാടനം വൈസ് ചാന്സലര് ഡോ. എം.കെ. ജയരാജ് നിര്വഹിച്ചു. ചടങ്ങില് പ്രൊ വൈസ് ചാന്സലര് ഡോ. എം. നാസര്, രജിസ്ട്രാര് ഡോ. ഇ.കെ. സതീഷ്, സിന്ഡിക്കേറ്റംഗം കെ.കെ. ഹനീഫ, യൂണിവേഴ്സിറ്റി എന്ജിനീയര് വി.ആര്. അനില് കുമാര്, ഹോസ്റ്റല് വാര്ഡന് ഡോ. ഇമ്മാനുവല് സൈമണ്, എക്സിക്യുട്ടീവ് എന്ജിനീയര് ജയന് പാടശ്ശേരി, അസി. എക്സിക്യുട്ടീവ് എന്ജിനീയര് കെ.ടി. സഹീര് ബാബു, അസി. എന്ജിനീയര്മാരായ കെ.പി. രേഷ്മ, സി.എസ്. ആദര്ശ് തുടങ്ങിയവര് പങ്കെടുത്തു.
അസി. പ്രൊഫസര്, പ്രിന്സിപ്പാള് കരാര് നിയമനം
കാലിക്കറ്റ് സര്വകലാശാലാ ടീച്ചര് എഡ്യുക്കേഷന് സെന്ററുകളില് ഒഴിവുള്ള പ്രിന്സിപ്പാള്, ഫിസിക്കല് സയന്സ് അസിസ്റ്റന്റ് പ്രൊഫസര് തസ്തികകളില് കരാര് നിയമനം നടത്തുന്നതിനായി അപേക്ഷ ക്ഷണിച്ചു. യോഗ്യരായവര് മെയ് 6-നകം ഓണ്ലൈന് അപേക്ഷ സമര്പ്പിക്കണം. വിശദവിവരങ്ങള് സര്വകലാശാലാ വെബ്സൈറ്റില്.
പരീക്ഷ
ഏപ്രില് 1-ന് നടത്താന് നിശ്ചയിച്ച് മാറ്റിവെച്ച മൂന്നാം സെമസ്റ്റര് എം.എസ് സി. റേഡിയേഷന് ഫിസിക്സ് ജനുവരി 2022 റഗുലര്, സപ്ലിമെന്ററി, ഇംപ്രൂവ്മെന്റ് പരീക്ഷകള് പുതുക്കിയ സമയക്രമമനുസരിച്ച് മെയ് 4-ന് തുടങ്ങും.
സര്വകലാശാലാ പഠനവിഭാഗത്തിലെ ഒന്നാം സെമസ്റ്റര് എം.എസ് സി. അപ്ലൈഡ് സൈക്കോളജി നവംബര് 2020 റഗുലര്, സപ്ലിമെന്ററി, ഇംപ്രൂവ്മെന്റ് പരീക്ഷകള് മെയ് 11-ന് തുടങ്ങും.
ഏപ്രില് 28-ന് നടത്താന് നിശ്ചയിച്ച ലോ കോളേജുകളിലെ നാലാം സെമസ്റ്റര് എല്.എല്.എം. മാര്ച്ച് 2022 റഗുലര്, സപ്ലിമെന്ററി പരീക്ഷകള് മെയ് 4-ലേക്ക് മാറ്റി.
ഒറ്റത്തവണ റഗുലര് സപ്ലിമെന്ററി പരീക്ഷ
മൂന്നാം വര്ഷ ബി.എസ് സി. മെഡിക്കല് ബയോകെമിസ്ട്രി, മെഡിക്കല് മൈക്രോബയോളജി, മെഡിക്കല് ലബോറട്ടറി ടെക്നോളജി ഏപ്രില് 2021 ഒറ്റത്തവണ റഗുലര് സപ്ലിമെന്ററി പരീക്ഷ 27-ന് തുടങ്ങും.
പരീക്ഷാ അപേക്ഷ
സര്വകലാശാലാ നിയമപഠന വിഭാഗത്തിലെ എല്.എല്.എം. നവംബര് 2020 ഒന്നാം സെമസ്റ്റര് സപ്ലിമെന്ററി പരീക്ഷക്കും ഏപ്രില് 2021 രണ്ടാം സെമസ്റ്റര് സപ്ലിമെന്ററി പരീക്ഷക്കും പിഴ കൂടാതെ 29 വരെയും 170 രൂപ പിഴയോടെ മെയ് 5 വരെയും ഓണ്ലൈനായി അപേക്ഷിക്കാം.
എസ്.ഡി.ഇ. ഒന്ന് മുതല് നാല് വരെ സെമസ്റ്റര് എം.കോം., 2004 മുതല് 2014 വരെ പ്രവേശനം, വിദ്യാര്ത്ഥികള്ക്കായി ഏപ്രില് 2022 ഒറ്റത്തവണ റഗുലര് സപ്ലിമെന്ററി പരീക്ഷക്ക് അപേക്ഷ ക്ഷണിച്ചു. മെയ് 15-ന് മുമ്പായി ഓണ്ലൈന് അപേക്ഷ സമര്പ്പിച്ച് അപേക്ഷയുടെ പകര്പ്പും അനുബന്ധ രേഖകളും മെയ് 20-നകം പരീക്ഷാ കണ്ട്രോളര്ക്ക് സമര്പ്പിക്കണം. രജിസ്ട്രേഷന്-പരീക്ഷാ ഫീസ് സംബന്ധമായ വിവരങ്ങളും മറ്റ് വിശദാംശങ്ങളും സര്വകലാശാലാ വെബ്സൈറ്റില്.
പുനര്മൂല്യനിര്ണയ ഫലം
ഒന്നാം സെമസ്റ്റര് എം.ബി.എ. റഗുലര്, ഈവനിംഗ് ജനുവരി 2021 പരീക്ഷയുടെയും ബി.വോക്. സോഫ്റ്റ് വെയര് ഡവലപ്മെന്റ്, ഫാര്മസ്യൂട്ടിക്കല് കെമിസ്ട്രി, ടൂറിസം ആന്റ് ഹോസ്പിറ്റാലിറ്റി മാനേജ്മെന്റ് നവംബര് 2019 പരീക്ഷകളുടെയും ഒന്നാം സെമസ്റ്റര് എം.എ. പബ്ലിക് അഡ്മിനിസ്ട്രേഷന് നവംബര് 2020 പരീക്ഷയുടെയും പുനര്മൂല്യനിര്ണയ ഫലം പ്രസിദ്ധീകരിച്ചു.
