HIGHLIGHTS : Bomb blast at a mosque in Pakistan; Islamic State claimed responsibility
57 57 പേരുടെ മരണത്തിനിടയാക്കിയ പാകിസ്താന് നഗരമായ പെഷവാറിലെ പള്ളിയിലുണ്ടായ സ്ഫോടനത്തിന്റെ ഉത്തരവാദിത്തം ഇസ്ലാമിക് സ്റ്റേറ്റ് (ഐഎസ്) ഏറ്റെടുത്തതായി പാക് മാധ്യമങ്ങള് റിപ്പോര്ട്ട് ചെയ്തു. ആക്രമണത്തില് 57 പേര് കൊല്ലപ്പെടുകയും 200 ലധികം പേര്ക്ക് പരുക്കേല്ക്കുകയും ചെയ്തു.
വടക്കുപടിഞ്ഞാറന് പാകിസ്ഥാനിലെ ഖിസ ക്വനി ബസാര് മേഖലയിലെ ജാമിയ മസ്ജിദില് വെള്ളിയാഴ്ച നമസ്കാരത്തിനിടെയാണ് സ്ഫോടനം ഉണ്ടായത്. ചാവേര് ആക്രമണമാണ് നടന്നതെന്ന് ദേശീയ മാധ്യമങ്ങള് റിപ്പോര്ട്ട് ചെയ്യുന്നു. വെള്ളിയാഴ്ച പെഷവാറിലെ പള്ളിക്ക് സമീപം രണ്ട് ഭീകരര് പൊലീസ് ഉദ്യോഗസ്ഥര്ക്ക് നേരെ വെടിയുതിര്ക്കുകയും, തുടര്ന്ന് അവരില് ഒരാള് കെട്ടിടത്തില് പ്രവേശിച്ച് സ്ഫോടനം നടത്തുകയും ചെയ്തു.
വെടിവയ്പില് ഒരു പൊലീസ് ഉദ്യോഗസ്ഥന് കൊല്ലപ്പെട്ടു. മറ്റൊരാള് ഗുരുതര പരുക്കുകളോടെ ചികിത്സയിലാണ്.