HIGHLIGHTS : Bird flu: Govt issues warning to states
ദില്ലി: പക്ഷിപ്പനിയെ തുടര്ന്ന് സംസ്ഥാനങ്ങള്ക്ക് മുന്നറിയിപ്പുമായി കേന്ദ്രസര്ക്കാര്. ഗുരുതര സാഹചര്യമായതിനാല് എല്ലാ മുന്കരുതലും പക്ഷിപ്പനി വ്യാപനം ഒഴിവാക്കാന് സ്വീകരക്കണമെന്നും കേന്ദ്രസര്ക്കാര് ആവശ്യപ്പെട്ടു. കേരളത്തിന് പുറമേ ഹിമാചല് പ്രദേശ് രാജസ്ഥാന് മധ്യപ്രദേശ് ഹരിയാന ഗുജറാത്ത് സംസ്ഥാനങ്ങളില് പക്ഷിപ്പനി സ്ഥിരീകരിച്ച സാഹചര്യത്തിലാണ് നടപടി.
പലയിടങ്ങളിലും ദേശാടന പക്ഷികള് കൂട്ടത്തോടെ ചാകുന്നുണ്ട്. ഈ സാഹചര്യം മുന്നിര്ത്തിയാണ് കേന്ദ്രസര്ക്കാരിന്റെ അടിയന്തിര ജാഗ്രതാ നിര്ദേശം. അതത് സംസ്ഥാനങ്ങളിലെ ചീഫ് സെക്രട്ടറിമാര്ക്കാണ് കേന്ദ്രം ഇക്കാര്യത്തില് കത്ത് കൈമാറിയിരിക്കുന്നത്. പറവകള് അടക്കമുള്ള പക്ഷികളില് രോഗം പടരാന് സാധ്യത വലുതാണെന്ന് മുന്നറിയിപ്പില് വ്യക്തമാക്കുന്നു.
പക്ഷിപ്പനി ഭീഷണിയുടെ പശ്ചാത്തലത്തില് മധ്യപ്രദേശില് ഇറച്ചി, മുട്ട വ്യാപാരം നിര്ത്തിവെക്കാന് സര്ക്കാര് ഉത്തരവിട്ടിരിക്കുകയാണ്.