മലപ്പുറം : വേങ്ങരയില് വന് ലഹരിമരുന്നു വേട്ട. വേങ്ങര കുറ്റാളൂരില് പോലീസ് നടത്തിയ പരിശോധനയ്ക്കിടെ ബെംഗളുരുവില് നിന്ന് കേരളത്തിലേക്ക് കടത്തിയ 780 ഗ്രാം എംഡിഎംഎയാണ് പിടികൂടിയത്. സംഭവത്തില് രണ്ട് പേരെ പൊലീസ് പിടികൂടി. വേങ്ങര സ്വദേശികളായ പറമ്പത്ത് ഫഹദ്, കരിക്കണ്ടിയില് മുഹമ്മദ് അഷറഫ് എന്നിവരെയാണ് ജില്ലാ ആന്റി നര്ക്കോട്ടിക് സ്ക്വാഡും വേങ്ങര പൊലീസും ചേര്ന്ന് പിടികൂടിയത്.
രാജ്യാന്തര വിപണിയില് ഒന്നരക്കോടിയോളം രൂപ വിലവരുന്നതാണ് പിടിച്ചെടുത്ത മയക്കുമരുന്ന്. ക്രിസ്റ്റല് രൂപത്തിലുള്ള എംഡിഎംഎയാണ് ഇവരില് നിന്നും പിടിച്ചെടുത്തത്.
ഇവരുടെ കൂട്ടാളികള്ക്കായി പോലീസ് അന്വേഷണം ആരംഭിച്ചു.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
