HIGHLIGHTS : Bharat Jodo Nyay Yatra begins in Manipur; Mallikarjun Kharge flagged off
ഇംഫാല്: രാഹുല് ഗാന്ധി നയിക്കുന്ന ഭാരത് ജോഡോ ന്യായ് യാത്രക്ക് മണിപ്പൂരില് നിന്ന് തുടക്കമായി. കോണ്ഗ്രസ് അധ്യക്ഷന് മല്ലികാര്ജുന് ഖര്ഗെ രാഹുല് ഗാന്ധിക്ക് പതാക കൈമാറി യാത്ര ഉദ്ഘാടനം ചെയ്തു. നീതിക്കായുള്ള പോരാട്ടമാണ് നടക്കുന്നതെന്ന് മല്ലികാര്ജുന് ഖര്ഗെ പറഞ്ഞു.
മണിപ്പൂര് ഇന്ത്യയുടെ സ്വാതന്ത്ര്യ പോരാട്ടം നടന്ന മണ്ണാണ്. ഭാരത് ജോഡോ യാത്രയില് രാഹുല് ആയിരങ്ങളെ കണ്ടു. ഇത്രയും വലിയ യാത്ര ഇതിന് മുന്പ് ഒരിക്കലും ഉണ്ടായിട്ടില്ല. സമൂഹത്തിന്റെ നാനാ തുറയില്പ്പെട്ടവരുമായി അദ്ദേഹം സംവദിച്ചു. രാഹുല് ഗാന്ധി ഭരണഘടനയെ സംരക്ഷിക്കാനാണ് പോരാടുന്നത്. പോരാട്ടം നീണ്ടതാണ്. നീതിക്കായുള്ള പോരാട്ടമാണ് നടക്കുന്നത്. മോദിയുടെത് ഏകാധിപത്യ മനോഭാവമാണെന്നും അദ്ദേഹം കൂട്ടിച്ചേര്ത്തു.
66 ദിവസം നീളുന്ന യാത്ര പതിനഞ്ച് സംസ്ഥാനങ്ങളിലെ 110 ജില്ലകളിലൂടെ കടന്നുപോകും. ഇന്ത്യയുടെ കിഴക്കു മുതല് പടിഞ്ഞാറ് വരെയാണ് രാഹുല് യാത്ര നടത്തുക. കൊങ്ജോമിലെ യുദ്ധസ്മാരകത്തില് ആദരവ് അര്പ്പിച്ച ശേഷമാണ് രാഹുല് ഉദ്ഘാടന ചടങ്ങില് പങ്കെടുക്കാനെത്തിയത്. കോണ്ഗ്രസ് അധ്യക്ഷന് മല്ലികാര്ജുന് ഖാര്ഗെ, എഐസിസി അംഗങ്ങള് എംപിമാര് ഉള്പ്പെടെയുള്ളവര് ആദ്യദിനം പരിപാടിയുടെ ഭാഗമാവും.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു