തിരുവനന്തപുരം: ഒഴിഞ്ഞ മദ്യക്കുപ്പികള് ശേഖരിച്ച് ക്ലീന് കേരള കമ്പനിക്ക് നല്കാന് ബിവറേജസ് കേര്പ്പറേഷന് തയ്യാറെടുക്കുന്നു. ഇതിന്റെ ഭാഗമായുള്ള പ്രാഥമിക ചര്ച്ചകള് പൂര്ത്തിയായി. ആദ്യഘട്ടമായി കുപ്പി നിക്ഷേപിക്കാന് ഔട്ട്ലെറ്റിന് സമീപം ബാസ്കറ്റ് ഒരുക്കാനാണ് ആലോചന. മദ്യം വാങ്ങാന് വരുമ്പോള് ഒഴിഞ്ഞ കുപ്പി അതില് നിക്ഷേപിക്കാം. പദ്ധതി സംബന്ധിച്ച് ഒരു മാസത്തിനകം തീരുമാനം ഉണ്ടാകും.
2020 ല് തിരുവനന്തപുരം, എറണാകും , കോഴിക്കോട് ജില്ലകളില് ഇത്തരത്തില് പദ്ധതിയുണ്ടായിരുന്നു. എന്നാല് കോവിഡിനെ തുടര്ന്ന് പദ്ധതി അവസാനിപ്പിച്ചു. ഇത് വലിയ രീതിയില് പുനരാരംഭിക്കുകയാണ് ലക്ഷ്യം.
സംസ്ഥാനത്തെ മുഴുവന് ഔട്ട്ലെറ്റിലും ഈ സൗകര്യം ഒരുക്കും. ബാസ്കറ്റ് നിറയുന്നതിനനുസരിച്ച് ആഴ്ചയിലോ മാസത്തിലോ ക്ലീന് കേരള കമ്പനി ഇവ നീക്കം ചെയ്യും. പ്ലാസ്റ്റിക് കുപ്പികളാണ് ശേഖരിക്കുക. ബോട്ടിലുകള് നീക്കം ചെയ്യാന് ചെറിയ തുക ബെവ്കോ നല്കേണ്ടി വരും. ഇത് സംബന്ധിച്ച് തുടര് ചര്ച്ചയില് ധാരണയിലെത്തും.
