കോഴിക്കോട്: ജില്ലയില് കനത്ത മഴ തുടരുന്ന സാഹചര്യത്തില് ഖനന പ്രവര്ത്തനങ്ങള്ക്കും ജലാശയങ്ങളില് ഇറങ്ങുന്നതിനും നിരോധനം ഏര്പ്പെടുത്തി ജില്ലാ കലക്ടര് എ.ഗീത ഉത്തരവിട്ടു. മണ്ണിടിച്ചില്, ഉരുള്പൊട്ടല് സാധ്യതയുള്ള മേഖലകളിലൂടെയുളള രാത്രി യാത്രക്കും നിയന്ത്രണം ഏര്പ്പെടുത്തി. ജില്ലയില് മണ്ണെടുക്കല്, ഖനനം, കിണര് നിര്മ്മാണ പ്രവര്ത്തനങ്ങള്, മണല് എടുക്കല് എന്നിവ ഇനി ഒരു അറിയിപ്പ് ഉണ്ടാകുന്നത് വരെ നിര്ത്തിവെക്കണം.
ജില്ലയിലെ വെള്ളചാട്ടങ്ങള്, നദീതീരങ്ങള്, ബീച്ചുകള് ഉള്പ്പെടെ എല്ലാ ജലാശയങ്ങളിലേക്കുമുള്ള പ്രവേശനം ഇനിയൊരു അറിയിപ്പ് ഉണ്ടാകുന്നത് വരെ പൂര്ണ്ണമായും നിരോധിച്ചു. കൂടാതെ ഉരുള്പൊട്ടല് ഭീഷണി നിലനില്ക്കുന്ന മലയോര പ്രദേശങ്ങള്, ചുരം മേഖലകള് എന്നിവിടങ്ങളിലേക്ക് രാത്രി ഏഴ് മണി മുതല് രാവിലെ ഏഴ് മണി വരെ അടിയന്തര യാത്രകള് അല്ലാത്തവ ഒഴിവാക്കേണ്ടതാണെന്നും കലക്ടര് അറിയിച്ചു.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
