HIGHLIGHTS : സിഡ്‌നി: ഇന്ത്യന്‍ ബാഡ്മിന്റണ്‍ താരം സൈന നഹ്വാളിന് ഓസ്‌ട്രേലിയന്‍ ഓപ്പണ്‍ കിരീടം. വാശിയേറിയ ഫൈനല്‍ മത്സരത്തില്‍ സ്‌പെയിനിന്റെ കരോലി മാരിനെ 21-18, 2...
സിഡ്‌നി: ഇന്ത്യന്‍ ബാഡ്മിന്റണ്‍ താരം സൈന നഹ്വാളിന് ഓസ്‌ട്രേലിയന്‍ ഓപ്പണ്‍ കിരീടം. വാശിയേറിയ ഫൈനല്‍ മത്സരത്തില്‍ സ്‌പെയിനിന്റെ കരോലി മാരിനെ 21-18, 21-11 എന്ന സ്‌കോറിനാണ് സൈന മുട്ടുകുത്തിച്ചത്.
7,50,000 ഡോളറാണ് ചാമ്പ്യന് ലഭിക്കുന്ന സമ്മാനത്തുക. സീസണില്‍ നിറം മങ്ങിയ പ്രകടനം കാഴ്ചവെച്ച സൈനയ്ക്ക് ഓസ്‌ട്രേലിയന്‍ ഓപ്പണ്‍ സീരീസ് കിരീടം ആത്മവിശ്വാസം തിരിച്ചുപിടിക്കാന്‍ സഹായിക്കും. ആദ്യ സ്റ്റെില്‍ വേണ്ടത്ര തിളങ്ങാന്‍ കഴിഞ്ഞില്ലെങ്കിലും രണ്ടാമത്തെ സെറ്റില്‍ 11-4 എന്ന സ്‌കോറിന് ലീഡ് ചെയ്തശേഷമായിരുന്നു 21-11 എന്ന സ്‌കോറിലേക്കും പിന്നീട് കിരീടത്തിലേക്കും സൈന കുതിച്ചത്.
ടൂര്‍ണമെന്റില്‍ ആറാം സീഡാണ് സൈന. കരോളി ആദ്യമായാണ് ഒരു സൂപ്പര്‍ സീരീസ് ഫൈനലിലെത്തുന്നത്.
