തിരൂർ തുഞ്ചന് സ്മാരക ഗവ. കോളേജിലെ മലയാളം വിഭാഗത്തില് അതിഥി അധ്യാപകരെ നിയമിക്കുന്നു. കോഴിക്കോട് മേഖല കോളേജ് വിദ്യാഭ്യാസ വകുപ്പ് ഡെപ്യൂട്ടി ഡയറക്ടറേറ്റിൽ പേര് രജിസ്റ്റർ ചെയ്തിട്ടുള്ളവർക്ക് അപേക്ഷിക്കാം. ആഗസ്റ്റ് 21 ന് രാവിലെ 10.30 ന് ഓഫീസില് വെച്ച് അഭിമുഖം നടക്കും. താത്പര്യമുള്ളവർ കോളേജ് വെബ്സൈറ്റില് (www.tmgetirur.ac.in) നല്കിയിട്ടുള്ള അപേക്ഷ ഫോം പൂരിപ്പിച്ച് സർട്ടിഫിക്കറ്റുകളുടെ പകർപ്പ് സഹിതം അഭിമുഖത്തിന് ഹാജരാവണം. ഫോൺ :0494 2630027.
മലപ്പുറം ഗവ കോളേജിലെ സംസ്കൃതം വിഭാഗത്തില് അതിഥി അധ്യാപകരെ നിയമിക്കുന്നു. കോഴിക്കോട് മേഖല കോളേജ് വിദ്യാഭ്യാസ വകുപ്പ് ഡെപ്യൂട്ടി ഡയറക്ടറേറ്റിൽ പേര് രജിസ്റ്റർ ചെയ്തിട്ടുള്ള ഉദ്യോഗാർത്ഥികൾക്ക് അപേക്ഷിക്കാം. ആഗസ്റ്റ് 20 ന് വൈകീട്ട് അഞ്ചിനകം കോളേജ് വെബ്സൈറ്റില് (gcmalappuram.ac.in) നൽകിയിട്ടുള്ള ഗൂഗിൾ ഫോം ലിങ്ക് വഴി രജിസ്റ്റർ ചെയ്യണം. കൂടുതൽ വിവരങ്ങൾക്ക് ഫോണ്: 9061734918, 0483-2734918.
