കൊച്ചി: ഓള് ഇന്ത്യ ടൂറിസ്റ്റ് പെര്മിറ്റ് വാഹനങ്ങള് സ്റ്റേജ് കാര്യേജായി ഉപയോഗിക്കാനാവില്ലെന്ന് ഹൈക്കോടതി. ഇത്തരം വാഹനങ്ങള് പെര്മിറ്റ് ചട്ടങ്ങള് ലംഘിക്കുകയാണെങ്കില് പിഴ ചുമത്താമെന്നും കോടതി ഉത്തരവിട്ടു. നിയമം ലംഘിക്കുന്ന വാഹനങ്ങള്ക്കെതിരെ നടപടിയെടുക്കാന് അധികൃതര്ക്ക് സ്വാതന്ത്ര്യമുണ്ടെന്നും കോടതി അറിയിച്ചു.
പെര്മിറ്റ് ചട്ടം ലംഘിച്ചതിന് കൊല്ലത്ത് നിന്നും കൊട്ടിയത്തുനിന്നും ബെംഗളുരുവിലേക്ക് സര്വീസ് നടത്തിയ ഓള് ഇന്ത്യ ടൂറിസ്റ്റ് പെര്മിറ്റ് ഉള്ള കോണ്ട്രാക്ട് ക്യാരേജ് ബസ്സിനെതിരെ മോട്ടോര് വാഹന വകുപ്പ് നടപടി എടുത്തിരുന്നു. പിഴ ചുമത്തിയതിനെതിരായ ബസുടമകളുടെ ഹര്ജിയിലാണ് ഹൈക്കോടതിയുടെ നിര്ണായക ഇടക്കാല ഉത്തരവ്.
തുടര്ന്ന്, മോട്ടോര് വാഹന വകുപ്പ് ചുമത്തിയ പിഴയുടെ 50 ശതമാനം അടക്കാനും ഹര്ജിക്കാര്ക്ക് കോടതി നിര്ദേശം നല്കി. ഉത്തരവ് റോബിനും, സമാന സര്വീസ് നടത്തുന്ന ഓള് ഇന്ത്യ ടൂറിസ്റ്റ് പെര്മിറ്റ് വാഹനങ്ങള്ക്കും തിരിച്ചടിയാണ്.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
