HIGHLIGHTS : Actress Shamna Kasim is getting married
നടി ഷംന കാസിം വിവാഹിതയാവുന്നു. ജെബിഎസ് ഗ്രൂപ്പ് കമ്പനിയുടെ സ്ഥാപകനും സിഇഒയുമായ ഷാനിദ് ആസിഫ് അലിയാണ് വരന്. ഇരുവരുടെയും വിവാഹനിശ്ചയം കഴിഞ്ഞു. സോഷ്യല് മീഡിയയിലൂടെ ഷംന തന്നെയാണ് ഇക്കാര്യം അറിയിച്ചത്. കുടുംബത്തിന്റെ അനുഗ്രഹത്തോടെ ജീവിതത്തിന്റെ അടുത്ത ഘട്ടത്തിലേക്ക് കടക്കുകയാണെന്ന് ഷാനിദിനൊപ്പമുള്ള ചിത്രങ്ങള് പങ്കുവച്ചുകൊണ്ട് ഷംന കുറിച്ചു.
സിനിമ, ടിവി മേഖലയിലെ നിരവധി സുഹൃത്തുക്കള് ഷംനയ്ക്ക് ആശംസകള് നേര്ന്നു.
കണ്ണൂര് സ്വദേശിനിയായ ഷംന കമലിന്റെ സംവിധാനത്തില് 2004ല് പുറത്തിറങ്ങിയ മഞ്ഞുപോലൊരു പെണ്കുട്ടിയിലൂടെയാണ് സിനിമയില് അരങ്ങേറ്റം കുറിക്കുന്നത്. മലയാളം, തമിഴ്, തെലുങ്ക് ചിത്രങ്ങളില് സജീവമാണ് താരം. പൂര്ണ എന്ന പേരിലാണ് മറുഭാഷകളില് ഷംന അറിയപ്പെടുന്നത്. ജോസഫിന്റെ തമിഴ് റീമേക്ക് ആയ വിസിത്തിരന് ആണ് ഷംനയുടേതായി അവസാനം പ്രദര്ശനത്തിനെത്തിയ ചിത്രം.