അണിയറയില് ഒരുങ്ങുന്ന പുതിയ മമ്മൂട്ടി ചിത്രമാണ് കാതല്. അടുത്തിടെയാണ് കാതലിന്റെ ഷൂട്ടിംഗ് ആരംഭിച്ചത്. മമ്മൂട്ടിക്കൊപ്പം നായികയായി ജ്യോതിക എത്തുന്ന ആദ്യ ചിത്രം കൂടിയാണിത്. റോഷാക്കിനു ശേഷം മമ്മൂട്ടി കമ്പനിയുടെ ബാനറില് മമ്മൂട്ടി നിര്മ്മിക്കുന്ന ചിത്രം എന്ന പ്രത്യേകതയും ഈ ചിത്രത്തിന് ഉണ്ട്. മമ്മൂട്ടി കമ്പനി നിര്മ്മിക്കുന്ന മൂന്നാമത്തെ ചിത്രമാണ് ഇത്. ദുല്ഖര് സല്മാന്റെ വേഫെറെര് ഫിലിംസ് ആണ് ചിത്രത്തിന്റെ വിതരണം നിര്വഹിക്കുന്നത്. പന്ത്രണ്ട് വര്ഷത്തെ ഇടവേളയ്ക്ക് ശേഷം ജ്യോതിക മലയാളത്തില് തിരിച്ചെത്തുന്ന ചിത്രം സംവിധാനം ചെയ്യുന്നത് ജിയോ ബേബിയാണ്. ഗ്രേറ്റ് ഇന്ത്യന് കിച്ചണ് എന്ന ചിത്രത്തിന് ശേഷം ജിയോ ബേബി സംവിധാനം ചെയ്യുന്ന ചിത്രമെന്ന പ്രത്യേകതയും കാതലിനുണ്ട്. ഇപ്പോഴിതാ ചിത്രീകരണം പുരോഗമിച്ചു കൊണ്ടിരിക്കുന്ന കാതലിന്റെ സെറ്റിലേക്ക് നടന് സൂര്യ എത്തിയ വിവരമാണ് പുറത്തുവന്നിരിക്കുന്നത്. ഇതിന്റെ വീഡിയോകള് സമൂഹമാധ്യമങ്ങളില് തരംഗമാകുകയാണ്.
• @Suriya_offl Anna ❤️At @mammukka – #Jyotika 's #KaathalTheCore Film Sets Today | Can Expect A Pic Of Mollywood MegaStar & Naddippin Nayagan Together 🔥😉 #Suriya42 #Vaadivaasal #EtharkkumThunindhavan pic.twitter.com/HwOAVFaUIF
— Suriya Fans Club (@SuriyaFansClub) November 9, 2022
മലയാളത്തിന്റെ മെഗാ സ്റ്റാറിനൊപ്പം നടിപ്പിന് നായകന് എന്ന് കുറിച്ചു കൊണ്ടാണ് പലരും വീഡിയോ ഷെയര് ചെയ്തിരിക്കുന്നത്. മമ്മൂട്ടിക്കും ജ്യോതികയ്ക്കും ഒപ്പമിരുന്ന് ഭക്ഷണം കഴിക്കാനായി തയ്യാറെടുക്കുന്ന സൂര്യയുടെ ചിത്രവും പുറത്തുവന്നിട്ടുണ്ട്. കാതലില് ഗെസ്റ്റ് റോളില് സൂര്യ എത്തുന്നുണ്ടോ എന്നാണ് പോസ്റ്റുകള്ക്ക് താഴെ വരുന്ന കമന്റുകള്.
‘ആദ്യദിനം മുതല്, ഈ ചിത്രത്തിന്റെ ആശയം, ഒപ്പം സംവിധായകന് ജിയോ ബേബിയും മമ്മൂട്ടി കമ്പനി അണിയറക്കാരും എടുത്ത ഓരോ ചുവടും ഗംഭീരമായിരുന്നു. മമ്മൂക്കയ്ക്കും ജോയ്ക്കും (ജ്യോതിക) കാതലിന്റെ മറ്റ് അണിയറക്കാര്ക്കും എല്ലാവിധ ആശംസകളും’, എന്നാണ് കാതലിന്റെ പ്രഖ്യാപന വേളയില് സൂര്യ ട്വീറ്റ് ചെയ്തിരുന്നത്.
