തിയറ്ററില്നിന്ന് മൊബൈലില് സിനിമ റെക്കോര്ഡ് ചെയ്ത് വ്യാജപതിപ്പ് പ്രചരിപ്പിക്കുന്ന തമിഴ്നാട് സ്വദേശികള് പിടിയില്. തമിഴ് സിനിമ ‘രായന്’ മൊബൈലില് ഷൂട്ട് ചെയ്യുന്നതിനിടെ തിരുവനന്തപുരം ഏരീസ് തിയറ്ററില്നിന്നാണ് സംഘത്തെ പിടികൂടിയത്. സിനിമയുടെ വ്യാജപതിപ്പ് പ്രചരിപ്പിക്കുന്ന സംഘം മധുരയില്നിന്നുള്ളവരാണെന്നാണ് റിപ്പോര്ട്ട്.
ടിക്കറ്റെടുത്ത് തിയറ്ററില് കയറി മൊബൈലില് സിനിമ പകര്ത്തുകയാണ് ഇവര് ചെയ്യുന്നത്.
‘ഗുരുവായൂരമ്പലനടയില്’ റിലീസ് ചെയ്ത് രണ്ടാംദിവസം ചിത്രത്തിന്റെ വ്യാജപതിപ്പ് പ്രചരിച്ചിരുന്നു. ചിത്രത്തിന്റെ നിര്മാതാവായ സുപ്രിയ മേനോന് കാക്കനാട് സൈബര് പൊലീസില് പരാതി നല്കിയിരുന്നു. രായന് എന്ന തമിഴ് ചിത്രം പകര്ത്തുന്നതിനിടെ ഇന്നലെയാണ് തമിഴ്നാട് സ്വദേശി പിടികൂടിയത്. തിയറ്റര് മാനേജര് ഉള്പ്പെടെയുള്ളവരുടെ ശ്രദ്ധയില്പെട്ടതോടെയാണ് പിടികൂടി പൊലീസില് ഏല്പ്പിച്ചത്. ഇയാളെ കൊച്ചിയില് എത്തിച്ച് ചോദ്യം ചെയ്യുകയാണ്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
