അഹമ്മദാബാദ്: ഗുജറാത്തിലെ മോര്ബിയില് തൂക്കുപാലം തകര്ന്ന് അപകടം. 91 മരണം. അഞ്ചുദിവസം മുന്പ് പുനര്നിര്മ്മാണം നടത്തിയ പാലമാണ് തകര്ന്നുവീണത്. നൂറിലേറെ പേര് പുഴയില് വീണെന്നാണ് വിവരം.
മോര്ബിയയിലെ മച്ഛു നദിക്ക് കുറുകെയുള്ളതായിരുന്നു പാലം. ഇന്നലെ വൈകുന്നേരം ആറരയോടെയാണ് അപകടം നടന്നത്. പാലം തകരുമ്പോള് അഞ്ഞൂറിലേറെ പേര് പാലത്തിലുണ്ടായിരുന്നു. 26 ന് ഗുജറാത്തി പുതുവത്സര ദിനത്തിലാണ് വീണ്ടും പാലം തുറന്നുകൊടുത്തത്. രക്ഷാപ്രവര്ത്തനം തുടരുകയാണ്.
രക്ഷാപ്രവര്ത്തനം വേഗത്തിലാക്കാന് പ്രധാനമന്ത്രി നിര്ദ്ദേശം നല്കി. മരണപ്പെട്ടവരുടെ കുടുംബാംഗങ്ങള്ക്ക് സംസ്ഥാന സര്ക്കാര് നാലുലക്ഷം രൂപ സഹായധനം പ്രഖ്യാപിച്ചു. സംസ്ഥാന മുഖ്യമന്ത്രി ഭൂപേന്ദ്ര പട്ടേല് അപകടം നടന്ന സ്ഥലത്തെത്തി. പ്രധാനമന്ത്രി നരേന്ദ്ര മോദി ഇന്ന് ഗുജറാത്തില് നടത്താനിരുന്ന റോഡ് ഷോ റദ്ദാക്കിയിട്ടുണ്ട്.
