മലപ്പുറം: പെരിന്തല്മണ്ണയില് പ്രണയാഭ്യര്ത്ഥന നിരസിച്ച പ്രായപൂര്ത്തിയാകാത്ത പെണ്കുട്ടിയെ കുത്തിക്കൊലപ്പെടുത്താന് ശ്രമിച്ച പ്രതിക്ക് ഏഴുവര്ഷം കഠിനതടവ്. പെരിന്തല്മണ്ണ മണ്ണാര്മല സ്വദേശി ജിനേഷിനെയാണ് കുറ്റവാളിയെന്ന് കണ്ടെത്തി കോടതി ശിക്ഷിച്ചത്. കഴിഞ്ഞ വര്ഷം ജൂലെ മാസമാണ് സംഭവം. രാവിലെ ട്യൂഷന് സെന്ററിലേക്ക് പോവുകയായിരുന്ന പെണ്കുട്ടിയെ ആനമങ്ങാട് ടൗണിന് അടുത്ത് വെച്ച് പ്രതി കുത്തുകയായിരുന്നു.
പ്രതി പെണ്കുട്ടിയെ ആക്രമിക്കാന് ഉദ്ദേശിച്ചാണ് വന്നത്. ഇതിനായി തന്റെ ബാഗില് കത്തി കരുതിയിരുന്നു. ഇതെടുത്ത് പെണ്കുട്ടിയെ കുത്താന് ആയുന്നതിനിടെ പെണ്കുട്ടി ഒഴിഞ്ഞുമാറി. തലനാരിഴയ്ക്ക് വലിയ ആക്രമണത്തില് നിന്ന് പെണ്കുട്ടി രക്ഷപ്പെടുകയായിരുന്നു. ആക്രമണത്തിനിടെ പെണ്കുട്ടി യുവാവിനെ തള്ളിയിടുകയും ചെയ്തു. ഈ വീഴ്ചയില് പ്രതിയുടെ കൈയ്യില് നിന്ന് കത്തി തെറിച്ചു പോയി.
ബഹളം കേട്ട് നാട്ടുകാര് ഓടിയെത്തി. ഈ സമയത്ത് പ്രതി രക്ഷപ്പെടാന് ശ്രമിച്ചു. എന്നാല് എതിരെ വന്ന ഒരു വാഹനത്തില് തട്ടി പ്രതി നിലത്ത് വീണു. ഓടിക്കൂടിയ നാട്ടുകാര് ഇയാളെ പിടികൂടി പൊലീസിന് കൈമാറുകയായിരുന്നു. പ്രതി ഈ പെണ്കുട്ടിയെ നിരന്തരം പിന്തുടര്ന്ന് ശല്യം ചെയ്തിരുന്നു.
പെണ്കുട്ടി പ്രതിയുടെ പ്രണായാഭ്യര്ത്ഥന നിരസിച്ചതായിരുന്നു ആക്രമണത്തിന്റെ കാരണം. 7 വര്ഷം കഠിന തടവിനാണ് പെരിന്തല്മണ്ണ ഫാസ്റ്റ് ട്രാക്ക് സ്പെഷ്യല് കോടതി പ്രതിയെ ശിക്ഷിച്ചിരിക്കുന്നത്. 22000 രൂപ പിഴയും അടയ്ക്കണം. പെരിന്തല്മണ്ണ പൊലീസാണ് അന്വേഷണം നടത്തി കുറ്റപത്രം സമര്പ്പിച്ചത്.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
