HIGHLIGHTS : പരപ്പനങ്ങാടി: ചെട്ടിപ്പടി കോയംകുളത്ത്
പരപ്പനങ്ങാടി: ചെട്ടിപ്പടി കോയംകുളത്ത് ഐസ് കമ്പനിയില്‍ വന്‍ വാതക ചോര്‍ച്ച. ഇന്ന് വൈകീട്ട് 6.50 മണിയോടെയാണ് അപകടമുണ്ടായത്. സമീപവാസികള്‍ക്ക് ശ്വാസതടസവും കണ്ണെരിച്ചിലും അനുഭവപ്പെട്ടതിനെ തുടര്‍ന്നാണ് നാട്ടുകാര്‍ കാര്യമന്വേഷിച്ചത്. ഇതെ തുടര്‍ന്നാണ് ഐസ്‌കമ്പനിയിലുണ്ടായ അമോണിയ വാതക ചോര്‍ച്ച ശ്രദ്ധയില്‍പ്പെട്ടത്. ഈ സമയത്ത് ഇതിലൂടെ വാഹനത്തില്‍ കടന്നു പോയവര്‍ക്കും കാല്‍നടയാത്രക്കാര്‍ക്കും ശ്വാസതടസവും കണ്ണെരിച്ചിലും അനുഭവപ്പെട്ടിരുന്നു.
പവര്‍കട്ട് സമയമായതിനാല്‍ വാതകച്ചോര്‍ച്ചയുണ്ടായത് അറിഞ്ഞിരുന്നില്ല. ഉടെനെ നാട്ടുകാര്‍ പോലീസില്‍ വിവരമറിയിച്ചതിനെ തുടര്‍ന്ന്് സ്ഥലത്തെത്തിയ പരപ്പനങ്ങാടി പോലീസും
തിരൂരില്‍ നിന്നുള്ള ഫയര്‍ഫോഴ്‌സും നാട്ടുകാരം ചേര്‍ന്നാണ്് വാതകച്ചോര്‍ച്ച നിയന്ത്രണ വിധേയമാക്കിയത്.
കാലപ്പഴക്കം ചെന്ന് തുരുമ്പെടുത്ത പൈപ്പായതിനാലാണ് വാതക ചോര്‍ച്ചയുണ്ടായത്.എന്നാണ് ആദ്യ നിഗമനം ഇപ്പോള്‍ പ്ലാന്റില്‍ അമോണിയതിരിച്ച് ടാങ്കിലേക്ക് റീഫില്‍ ചെയ്തുകൊണ്ടിരിക്കുകയാണ്.
