HIGHLIGHTS : തിരുവനന്തപുരം: ബാര് കോഴ കേസില് കെ എം മാണിയെ കുറ്റവിമുക്തനാക്കി വീണ്ടും വിജിലന്സ് റിപ്പോര്ട്ട്. മാണിക്ക് ക്ലീന് ചിറ്റ് നല്കുന്ന റിപ്പോര്ട്ട് ...
തിരുവനന്തപുരം: ബാര് കോഴ കേസില് കെ എം മാണിയെ കുറ്റവിമുക്തനാക്കി വീണ്ടും വിജിലന്സ് റിപ്പോര്ട്ട്. മാണിക്ക് ക്ലീന് ചിറ്റ് നല്കുന്ന റിപ്പോര്ട്ട് വിജലന്സ് തിരുവനന്തപുരം പ്രത്യേക
വിജിലന്സ് കോടതിയില് സമര്പ്പിച്ചു. മാണി കോഴവാങ്ങിയതിന് തെളിവ് കണ്ടെത്താനായില്ലെന്നാണ് റിപ്പോര്ട്ടില് പറയുന്നത്.
ഇത് മൂന്നാം തവണയാണ് മാണിയെ കുറ്റവിമുക്തനാക്കി വിജിലന്സ് റിപ്പോര്ട്ട് സമര്പ്പിച്ചിരിക്കുന്നത്.
ബാറുടമയായ ബിജു രമേശിന്റെ ആരോപണത്തിന്റെ അടിസ്ഥാനത്തില് എടുത്ത കേസിലെ നടപടികള് അവസാനിപ്പിക്കുന്നതാണ് വിജിലന്സ് റിപ്പോര്ട്ട്. ബാറുകള് തുറന്നു നല്കാനായി വീട്ടിലും മറ്റിടങ്ങളിലുമായി പണം നല്കിയെന്നായിരുന്നു ആരോപണം. എന്നാല് ഇതില് ഒരു തെളിവും കണ്ടെത്താന് വിജിലന്സിന് കഴിഞ്ഞില്ലെന്ന് റിപ്പോര്ട്ടില് വ്യക്തമാക്കി.