HIGHLIGHTS : കൊച്ചി : സര്വ്വീസ് ചാര്ജ് വര്ധിപ്പിക്കണമെന്നാവശ്യപ്പെട്ട് തീയേറ്റര് ഉടമകള് ഇന്ന്
കൊച്ചി : സര്വ്വീസ് ചാര്ജ് വര്ധിപ്പിക്കണമെന്നാവശ്യപ്പെട്ട് തീയേറ്റര് ഉടമകള് ഇന്ന് പണിമുടക്കുന്നു. സര്വ്വീസ് ചാര്ജ്ജ് 2 രൂപയില് നിന്ന് അഞ്ച് രൂപയാക്കുക, സര്ക്കാരിന് നല്കേണ്ട നികുതിയില് ഇളവ് അനുവദിക്കുക എന്നീ ആവശ്യങ്ങള് ഉന്നയിച്ചാണ് സമരം നടത്തുന്നത്. ഈ പ്രശ്നങ്ങള്ക്ക് ഒരുമാസത്തിനുള്ളില് പരിഹാരമായില്ലെങ്കില് അനിശ്ചിതകാലത്തേക്ക് തീയേറ്റര് അടച്ചിടാനും തീരുമാനമുണ്ട്.
എന്നാല് തീയേറ്റര് ഉടമകളുടെ സമരം ഏകപക്ഷീയമാണെന്നും അവരോട് സഹകരിക്കാനിവില്ലെന്നും പ്രൊഡ്യൂസേഴ്സ് അസോസിയേഷന് വ്യക്തമാക്കിയിട്ടുണ്ട്. തീയേറ്റര് ഉടമകള് സമരം തുടര്ന്നു കൊണ്ടുപോവുകയാണെങ്കില് സിനിമാനിര്മാണം നിര്ത്തിവെക്കുന്നതടക്കമുള്ള കടുത്തതീരുമാനങ്ങള് എടുക്കേണ്ടതായി വരുമെന്നും നിര്മ്മാതാക്കള് വ്യക്തമാക്കി.
തീയേറ്റര് ഉടമകളുടെ ഈ തീരുമാനവും മള്ടിപഌക്സ് തീയേറ്ററുകളില് പുതിയ ചിത്രങ്ങള് പ്രദര്ശിപ്പിക്കേണ്ടതില്ലെന്നുമുള്ള വിതരണക്കാരുടെ തീരുമാനവും മലയാള സിനിമയില് ഏറെ പ്രതിസന്ധി സൃഷ്ടിച്ചിരിക്കുകയാണ്.