HIGHLIGHTS : Case of assault on actress; Crime Branch questioned actor Siddique
നടിയെ ആക്രമിച്ച കേസില് ക്രൈംബ്രാഞ്ച് നടന് സിദ്ദിഖിനെ ചോദ്യം ചെയ്തു. കേസില് ഒന്നാം പ്രതിയായ പള്സര് സുനി ദിലീപിന് നല്കാനെന്ന പേരില് നല്കിയ കത്തില് സിദ്ദിഖിന്റെ പേര് പരാമര്ശിച്ചിരുന്നു. ഇതിന്റെ അടിസ്ഥാനത്തിലാണ് ഇന്നലെ ചോദ്യം ചെയ്തത്.
ദിലീപിന് ഒരു അബദ്ധം പറ്റിയതാണെന്നും, പക്ഷേ എന്നും കൂടെ നില്ക്കുമെന്നും സിദ്ദിഖ് ഒരു ഓണ്ലൈന് മാധ്യമത്തിന് അഭിമുഖം നല്കിയപ്പോള് പറഞ്ഞിരുന്നു. ഇതില് വ്യക്തത വരുത്താന് കൂടിയായിരുന്നു ചോദ്യം ചെയ്യല്. ദിലീപും സിദ്ദിഖുമായി ബന്ധപ്പെട്ട കാര്യങ്ങള് പള്സര് സുനിയുടേതെന്ന് പറയുന്ന കത്തിലുണ്ടായിരുന്നു.
എന്ത് സാഹചര്യത്തിലാണ് ദിലീപിന് ഒരബദ്ധം പറ്റിയെന്ന് നടന്റെ അടുത്ത സുഹൃത്ത് കൂടിയായ സിദ്ദിഖ് പറഞ്ഞത് എന്നും ക്രൈംബ്രാഞ്ച് ചോദിച്ചു.