HIGHLIGHTS : Rainstorm; Death toll in Uttarakhand reaches 54
ഡെറാഡൂണ്: മഴക്കെടുതിയില് ഉത്തരാഖണ്ഡില് മരിച്ചവരുടെ എണ്ണം 54 ആയി. 5 ആളെ കാണാനില്ലെന്നാണ് ദേശീയ മാധ്യമങ്ങള് റിപ്പോര്ട്ട് ചെയ്യുന്നത്.
19 പേര്ക്ക് പരിക്കേറ്റിട്ടുണ്ടെന്നുമാണ് വിവരം.
ഉത്തരാഖണ്ഡില് കഴിഞ്ഞ മൂന്ന് ദിവസത്തിനിടയില് ദുരന്തനിവാരണ സേന രക്ഷപ്പെടുത്തിയത് എണ്ണായിരത്തോളം ആളുകളെയാണ്. വെള്ളപ്പൊക്കത്തില് ഒറ്റപ്പെട്ടുപോയ നൈനിറ്റാളിലേക്കുള്ള ഗതാഗതം പുനഃസ്ഥാപിച്ചിട്ടുണ്ട്.
കൂടാതെ ഗര്വാള്, ബദ്രിനാഥ് റോഡുകള് തുറന്നതോടെ ചാര് ധാം യാത്ര പുനഃരാരംഭിച്ചു.
ദുരന്ത ബാധിത പ്രദേശങ്ങളില് ആഭ്യന്തരമന്ത്രി അമിത് ഷാ ഇന്ന് വ്യോമ നിരീക്ഷണം നടത്തും. ഡാര്ജിലിംഗ് കാലിംപോങ്ങ്, ജല്പായ്ഗുരി, അലിപൂര്ധര് എന്നിവിടങ്ങളില് റെഡ് അലേര്ട്ട് പ്രഖ്യാപിച്ചിട്ടുണ്ട്.
ഹിമാലയന് സംസ്ഥാനങ്ങളില് മഞ്ഞ് വീഴ്ചയും ശക്തമായിരിക്കുകയാണ്.