HIGHLIGHTS : രണ്ടിലകളും മരവും... നിയാസ്.പി.മുരളി ഇതു പ്രണയത്തിന്റെ മരം, ഇതില് നീയെന്റെ അടുത്ത് ഒരു-
രണ്ടിലകളും മരവും…
നിയാസ്.പി.മുരളി
ഇതില് നീയെന്റെ അടുത്ത് ഒരു-
പച്ചിലയായ് വളരുക..
ഒന്നിനുമല്ല,
വെറുതെ കണ്ടിരിക്കാന്,
വെറുതെ സംസാരിക്കുവാന്.
ഒരിക്കലും നീ പഴുക്കരുത്!
സൌഹൃദം തലക്കു പിടിക്കുമ്പോള്,
എന്റെ മനസ്സു പിടക്കുമ്പോള്,
ഞാന് പഴുക്കാം…
എന്നിട്ടീ മണ്ണില് ചീഞ്ഞലിഞ്ഞു ചേരാം..
പിന്നെ മെല്ലെ,
കാലത്തിലൂടെ നീളുന്ന
ഈ മരത്തിന്റെ ഞരമ്പുകളിലൂടെ
വളമായി ലയിച്ചമര്ന്ന്
ചോണനുറുമ്പുകള് പോലെ
നിന്റെ ഞരമ്പുകളിലേക്കെത്താം…
നല്കാന് മറന്നുപോയയൗവ്വനത്തിന്റെ
തുടിപ്പായി നിന്നില് നിറയാം…
ഒടുവില് –
ഒന്നായതൊന്നുമല്ലാതാവുന്ന നേരത്ത്-
നമുക്ക് വിട്ടു പോവാം…
ഒരു പഴുത്തിലയായി നീയും
ജലരേഖയായി ഞാനും
മണ്ണിലേക്ക്, മണ്ണിലൂടെ
സാവധാനം…
അകന്നകന്ന് നുരുമ്പിപ്പോവുക……