തിരുവനന്തപുരം: മെറ്റയുടെ പ്രധാന മെസേജിംഗ് പ്ലാറ്റ്ഫോമായ വാട്സ്ആപ്പില് പ്രശ്നം. വാട്സ്ആപ്പില് പലര്ക്കും സ്റ്റാറ്റസുകള് ഇടാനോ, ഗ്രൂപ്പുകളില് മെസേജുകള് അയക്കാനോ കഴിയുന്നില്ല. ഡൗണ്ഡിറ്റക്റ്ററില് അനേകം പരാതികള് ഇത് സംബന്ധിച്ച് വാട്സ്ആപ്പ് ഉപയോക്താക്കളില് നിന്ന് പ്രത്യക്ഷപ്പെട്ടിട്ടുണ്ട്. എന്നാല് എന്ത് പ്രശ്നമാണ് വാട്സ്ആപ്പിനെ ബാധിച്ചിരിക്കുന്നത് എന്ന് മെറ്റ അധികൃതര് വ്യക്തമാക്കിയിട്ടില്ല.
രാജ്യത്ത് ഇന്നലെ പകല് യുപിഐ (UPI യൂണിഫൈഡ് പേയ്മെന്റ് ഇന്റര്ഫേസ്) സേവനങ്ങള് തടസപ്പെട്ടതിന് പിന്നാലെയാണ് വാട്സ്ആപ്പിലും സാങ്കേതിക പ്രശ്നം നേരിടുന്നത്. യുപിഐ ആപ്പുകള് പ്രവര്ത്തനരഹിതമായതോടെ ഓണ്ലൈന് പണമിടപാടുകള് താറുമാറായിരുന്നു. ഫോണ്പേ, ഗൂഗിള് പേ, പേടിഎം തുടങ്ങിയ വഴി പണം കൈമാറ്റം നടക്കുന്നില്ലെന്നാണ് പരാതി ഉയര്ന്നത്. ഒരു മാസത്തിനുള്ളില് ഇത് മൂന്നാം തവണയാണ് വ്യാപകമായി യുപിഐ സേവനങ്ങളില് തടസം നേരിട്ടത്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ
ലിങ്കില് ക്ലിക്ക് ചെയ്യു
