മുഖ്യമന്ത്രി പിണറായി വിജയന് എല്ലാ മലയാളികള്ക്കും വിഷു ആശംസകള് നേര്ന്നു. സമ്പന്നമായ നമ്മുടെ കാര്ഷിക സംസ്കാരത്തിന്റെ ഓര്മ്മപ്പെടുത്തലാണ് വിഷു. ഐശ്വര്യപൂര്ണമായ നല്ലൊരു നാളയെ വരവേല്ക്കുന്നതിനുള്ള വിഷു ആഘോഷങ്ങളില് മലയാളികള് ഒത്തൊരുമയോടെ പങ്കെടുക്കുകയാണ്.
ഇല്ലാതായിക്കൊണ്ടിരിക്കുന്ന കാര്ഷിക സംസ്കാരത്തെ തിരിച്ചുപിടിക്കേണ്ടതുണ്ട്. ഈ വര്ഷത്തെ വിഷുവിന്റെ സന്ദേശം അതിനുള്ള ശക്തി പകരട്ടെയെന്നും മുഖ്യമന്ത്രി പറഞ്ഞു.
ഒത്തൊരുമയുടെ സന്ദേശം വിളിച്ചോതുന്നതാണ് ഏതൊരാഘോഷവും. വര്ഗീയതയും വിഭാഗീയതയും പറഞ്ഞു നമ്മെ ഭിന്നിപ്പിക്കാന് ശ്രമിക്കുന്ന പ്രതിലോമശക്തികളെ കരുതിയിരിക്കേണ്ടതുണ്ട്. ഉന്നതമായ മനുഷ്യസ്നേഹത്തിലൂന്നിയ ഐക്യം കൊണ്ട് ഈ ശക്തികള്ക്ക് മറുപടി നല്കാന് നമുക്ക് സാധിക്കണം. സമത്വവും സാഹോദര്യവും പുലരുന്ന നല്ലകാലത്തെ വരവേല്ക്കാന് നമുക്കൊരുമിച്ചു നില്ക്കാം. എല്ലാവര്ക്കും സ്നേഹം നിറഞ്ഞ വിഷു ആശംസകള് നേരുന്നതായും മുഖ്യമന്ത്രി പറഞ്ഞു.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
