മമ്മൂട്ടിയെ നായകനാക്കി ബി ഉണ്ണികൃഷ്ണന് സംവിധാനം ചെയ്യുന്ന ചിത്രമാണ് ‘ക്രിസ്റ്റഫര്’. ‘ക്രിസ്റ്റഫര്’ എന്ന ചിത്രത്തിലെ പുതിയ ക്യാരക്ടര് പോസ്റ്റര് റിലീസ് ചെയ്തു. തെന്നിന്ത്യന് താരം വിനയ് റായ് അവതരിപ്പിക്കുന്ന ‘സീതാറാം ത്രിമൂര്ത്തി’ എന്ന വില്ലന് കഥാപാത്രത്തിന്റെ പോസ്റ്ററാണ് പുറത്തുവന്നിരിക്കുന്നത്. ‘ദി ആന്റഗോണിസ്റ്റ്’ എന്ന ടാഗ് ലൈനില് ഉള്ള വില്ലന്റെ മുഖം വെളിപ്പെടുത്താതെയുള്ള കഥാപാത്രത്തെ പോസ്റ്ററില് കാണുന്നത്. പൊലീസ് ഉദ്യോഗസ്ഥന് ആയിട്ടാണ് മമ്മൂട്ടി ചിത്രത്തില് എത്തുന്നത്.
വിനയ് റായ് ആദ്യമായി മലയാളത്തില് അഭിനയിക്കുന്ന ചിത്രം കൂടിയാണിതെന്ന പ്രത്യേകത കൂടിയുണ്ടിതിന്. ‘ബയോഗ്രഫി ഓഫ് എ വിജിലന്റ് കോപ്പ്’ എന്ന ടാഗ് ലൈനോടെയാണ് ‘ക്രിസ്റ്റഫര്’ തിയറ്ററുകളില് എത്തുക.
ചിത്രത്തില് അമല പോള്, സ്നേഹ, ഐശ്വര്യ ലക്ഷ്മി, എന്നിങ്ങനെ മൂന്ന് നായികമാരാണ് ചിത്രത്തിലുള്ളത്. ദിലീഷ് പോത്തന്, സിദ്ദിഖ്, ജിനു എബ്രഹാം, വിനീത കോശി തുടങ്ങി ഒരു വലിയ താരനിര തന്നെ ചിത്രത്തിലുണ്ട്.
ഫൈസ് സിദ്ദിഖ് ആണ് ചിത്രത്തിന്റെ ഛായാഗ്രഹണം നിര്വ്വഹിക്കുന്നത്. ഉദയ കൃഷ്ണ തിരക്കഥ എഴുതുന്ന ചിത്രമാണ് ‘ക്രിസ്റ്റഫര്’. ‘ക്രിസ്റ്റഫര്’ എന്ന ചിത്രത്തിന്റെ സംഗീത സംവിധാനം ജസ്റ്റിന് വര്ഗീസ് ആണ്. ആര് ഡി ഇല്യൂമിനേഷന്സ് എല്എല്പി ആണ് ചിത്രം നിര്മിക്കുന്നത്.
പ്രൊഡക്ഷന് കണ്ട്രോളര് അരോമ മോഹന്. കലാസംവിധാനം ഷാജി നടുവില്. വസ്ത്രാലങ്കാരം പ്രവീണ് വര്മ്മ, ചമയം ജിതേഷ് പൊയ്യ, ചീഫ് അസോസിയേറ്റ് സുജിത്ത് സുരേഷ്, സൗണ്ട് മിക്സിങ് രാജകൃഷ്ണന് എം ആര്, സൗണ്ട് ഡിസൈന് നിധിന് ലൂക്കോസ്, കളറിസ്റ്റ് ഷണ്മുഖ പാഡ്യന്, ഡി ഐ മോക്ഷ പോസ്റ്റ്, പിആര്ഒ പി ശിവപ്രസാദ്, നിയാസ് നൗഷാദ്, മാര്ക്കറ്റിംഗ് ഒബ്സ്ക്യൂറ എന്റര്ടൈന്മെന്റ്സ്, സ്റ്റില്സ് നവീന് മുരളി, ഡിസൈന് കോളിന്സ് ലിയോഫില് എന്നിവരാണ് മറ്റ് പ്രവര്ത്തകര്.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
