ചെന്നൈ:തന്റെ പാര്ട്ടിയായ തമിഴക വെട്രി കഴകത്തിന്റെ പതാക പുറത്തിറക്കി നടന് വിജയ് . ഇന്ന് 9.30 ഓടെയാണ ചുവപ്പ്, മഞ്ഞ നിറങ്ങളും രണ്ട് ആനകളുടെ ചിത്രവും അടങ്ങുന്ന പതാക പുറത്തിറക്കിയത്.
ചടങ്ങില് സംഗീതജ്ഞന് എസ് തമന് ചിട്ടപ്പെടുത്തിയ പാര്ട്ടി ഗാനവും പരിചയപ്പെടുത്തി. തമിഴ്നാട്ടിലെ പ്രധാന ഇടങ്ങളിലെല്ലാം ഒരേസമയം കൊടിമരം സ്ഥാപിക്കാനും പതാക ഉയര്ത്താനും പ്രവര്ത്തകര്ക്ക് നിര്ദേശം നല്കിയിരുന്നു. ചെന്നൈയിലാണ് വിജയ് പതാക ഉയര്ത്തിയത്. തുടര്ന്ന് ചെന്നൈയിലെ പാര്ട്ടി ഓഫീസില് വച്ച് നേതാക്കള്ക്കും പ്രവര്ത്തകര്ക്കുമൊപ്പം വിജയ് പ്രതിജ്ഞ ചൊല്ലി.
എല്ലാവര്ക്കും തുല്യ അവകാശവും അവസരവും നല്കും, തമിഴ്ഭാഷയെ സംരക്ഷിക്കും, സാമൂഹിക നീതിയുടെ പാതയില് മുന്നോട്ട് പോകും എന്നിവയാണ് പാര്ട്ടിയുടെ പ്രതിജ്ഞ.
2026 ലെ നിയമസഭാ തിരഞ്ഞെടുപ്പ് ലക്ഷ്യമിട്ടാണ് വിജയ്യുടെ നീക്കം. തമിഴ്നാട്, കേരളം, പുതുച്ചേരി, കര്ണാടക എന്നിവിടങ്ങളിലെ പ്രവര്ത്തകര് ചെന്നൈ പനയൂരിലുള്ള പാര്ട്ടി ആസ്ഥാനത്ത് നടന്ന പരിപാടിയില് പങ്കെടുത്തു.
