കോട്ടയം: മൂര്ഖന് പാമ്പിന്റെ കടിയേറ്റ് ഗുരുതരാവസ്ഥയില് കോട്ടയം മെഡിക്കല് കോളേജില് പ്രവേശിപ്പിച്ച വാവ സുരേഷിന്റെ ആരോഗ്യനില മെച്ചപ്പെട്ടു.
തലച്ചോറിന്റെ പ്രവര്ത്തനത്തില് നേരിയ പുരോഗതിയുണ്ടെന്ന് ഡോക്ടര്മാര് അറിയിച്ചു. ഹൃദയമിടിപ്പും രക്ത സമ്മര്ദവും സാധാരണ ഗതിയില് ആയി. ഇന്നലെ തലച്ചോറിന്റെ പ്രവര്ത്തനം മന്ദഗതിയിലായിരുന്നു. ന്യൂറോ, കാര്ഡിയാക് വിദഗ്ധര്മാര് അടങ്ങുന്ന പ്രത്യേക അഞ്ചംഗ സംഘത്തിന്റെ മേല്നോട്ടത്തിലാണ് സുരേഷിന്റെ ചികിത്സ.
കോട്ടയം കുറിച്ചി നീലംപേരൂര് വെച്ചായിരുന്നു ഇന്നലെ വാവ സുരേഷിന് മൂര്ഖന് പാമ്പിന്റെ് കടിയേറ്റത്. പിടികൂടിയ പാമ്പിനെ ചാക്കില് കയറ്റുന്നതിനിടെ തുടയില് കടിക്കുകയായിരുന്നു. ഗുരുതരാവസ്ഥയിലായ സുരേഷിനെ കോട്ടയത്തെ സ്വകാര്യ ആശുപത്രിയില് പ്രവേശിപ്പിച്ചെങ്കിലും പിന്നീട് കോട്ടയം മെഡിക്കല് കോളേജിലേക്ക് മാറ്റി.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
