ന്യൂ ഡല്ഹി: തബല മാന്ത്രികന് ഉസ്താദ് സാകിര് ഹുസൈന് അന്തരിച്ചു.
അമേരിക്കയിലെ സാന് ഫ്രാന്സിസ്കോ ആശുപത്രിയിലായിരുന്നു അന്ത്യം. ഹൃദയസംബന്ധമായ ആരോഗ്യപ്രശ്നത്തെ തുടര്ന്ന് ഗുരുതരാവസ്ഥയിലായിരുന്നു അദ്ദേഹം.
1951-ല് മുംബൈയിലാണ് സാക്കിര് ഹുസൈന് ജനിച്ചത്. വളരെ ചെറിയ പ്രായത്തില് തന്നെ തന്റെ മികവ് കാട്ടിയ അദ്ദേഹം 12 വയസ്സുള്ളപ്പോള് കച്ചേരികളില് അവതരിപ്പിക്കാന് തുടങ്ങി. ഐതിഹാസിക പോപ്പ് ബാന്ഡ് ദി ബീറ്റില്സ് ഉള്പ്പടെ നിരവധി പാശ്ചാത്യ സംഗീതജ്ഞരുമായി അദ്ദേഹം സഹകരിച്ചിട്ടുണ്ട്. ശക്തി’ എന്ന ഫ്യൂഷന് സംഗീത ബാന്ഡിന് 1974ല് രൂപം നല്കി. 1999-ല് അദ്ദേഹം യുണൈറ്റഡ് സ്റ്റേറ്റ്സ് നാഷണല് എന്ഡോവ്മെന്റ് ഫോര് ആര്ട്സ് നാഷണല് ഹെറിറ്റേജ് ഫെലോഷിപ്പ് നേടി. അദ്ദേഹത്തെ രാജ്യം പത്മശ്രീ, പത്മഭൂഷണ്, പത്മവിഭൂഷണ് എന്നിവ നല്കി ആദരിച്ചു. മലയാളത്തില് ‘വാനപ്രസ്ഥം’ അടക്കം ഏതാനും സിനിമകള്ക്ക് സംഗീതം നല്കി.1991ലും 2009ലും ഗ്രാമി പുരസ്കാരം ലഭിച്ചു. കഴിഞ്ഞ ഗ്രാമി പുരസ്കാര വേദിയിലും സാക്കിര് ഹുസൈന് ശ്രദ്ധേയമായ നേട്ടങ്ങള് കൈവരിച്ചിരുന്നു. മികച്ച ഗ്ലോബല് മ്യൂസിക്ക് പെര്ഫോമന്സ്, മികച്ച കണ്ടംപററി ഇന്സ്ട്രുമെന്റല് ആല്ബം, മികച്ച ഗ്ലോബല് മ്യൂസിക് ആല്ബം എന്നീ വിഭാഗങ്ങളിലാണ് പുരസ്കാരം പങ്കിട്ടത്.
മന്റോ, മിസ്റ്റര് ആന്റ് മിസിസ് അയ്യര്, വാനപ്രസ്ഥം എന്നിവയുള്പ്പെടെ ഏതാനും സിനിമകള്ക്ക് സംഗീതം നല്കിയിട്ടുണ്ട്. ഹീറ്റ് ആന്റ് ഡസ്റ്റ്, ദി പെര്ഫക്റ്റ് മര്ഡര്, മിസ് ബ്യൂട്ടിസ് ചില്ഡ്രന്, സാസ് എന്നീ ചിത്രങ്ങളില് അഭിനയിച്ചിട്ടുണ്ട്. പ്രശസ്ത കഥക് നര്ത്തകിയുമായ അന്റോണിയ മിനെക്കോളയാണ് ഭാര്യ. അനിസ ഖുറേഷിയും ഇസബെല്ല ഖുറേഷിയുമാണ് മക്കള്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
