ദുബായ്: ഇന്ത്യയില് നിന്നുള്ള യാത്രാവിമാനങ്ങള്ക്കുള്ള വിലക്ക് ജൂണ് 14 വരെ തുടരുമെന്ന് യു.എ.ഇ. കോവിഡ് വ്യാപനത്തിന്റെ പശ്ചാത്തലത്തിലാണ് നടപടി.
കഴിഞ്ഞ 14 ദിവസത്തിനുള്ളില് ഇന്ത്യയിലൂടെ യാത്ര ചെയ്ത യാത്രക്കാരെ മറ്റേതൊരു സ്ഥലത്തുനിന്നും യു.എ.ഇയിലേക്ക് യാത്ര ചെയ്യാന് അനുവദിക്കില്ലെന്നും അറിയിച്ചിട്ടുണ്ട്.
ഏപ്രില് 24നാണ് യുഎഇ ഇന്ത്യയില് നിന്നുള്ള യാത്രക്കാര് വിലക്കേര്പ്പെടുത്തിയത്. ഇന്ത്യില് കോവിഡ് വ്യാപനം രൂക്ഷമായ സാഹചര്യത്തിലായിരുന്നു യുഎഇയുടെ നടപടി.
ഇന്ത്യയില് അകപ്പെട്ട എമിറേറ്റ്സ് പൗരന്മാര്, നയതന്ത്ര പ്രതിനിധികള് എന്നിവരെ വിലക്കില് നിന്നും ഒഴിവാക്കിയിട്ടുണ്ട്.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
