HIGHLIGHTS : 2 more tankers to Kolkata for oxygen
കൊച്ചി: കേരളത്തിലേക്ക് ഓക്‌സിജന്‍ കൊണ്ടുവരുന്നതിന് 2 ടാങ്കറുകള്‍ ഇന്നലെ കൊച്ചി രാജ്യാന്തര വിമാനത്താവളത്തില്‍ നിന്ന് കൊല്ക്കത്തയിലേക്ക് അയച്ചു. എയര്‍ഫോഴ്‌സിന്റെ ചാര്‍ട്ടര്‍ കാര്‍ഗോ വിമാനത്തിലാണു ടാങ്കറുകള്‍ അയച്ചത്.
വ്യാഴാഴ്ച രാത്രി വിമാനത്തില്‍ അയക്കാന്‍ 3 ടാങ്കറുകള്‍ കൊച്ചിയില്‍ എത്തിച്ചെങ്കിലും കനത്ത മഴയെത്തുടര്‍ന്ന് വിമാനത്തിന് ഇറങ്ങാന്‍ കഴിഞ്ഞിരുന്നില്ല. തുടര്‍ന്ന് ടാങ്കറുകള്‍ കോയമ്പത്തൂരിലേക്ക കൊണ്ടുപോയി. വെള്ളിയാഴ്ച പുലര്‍ച്ചെ ഒരെണ്ണം അവിടെ നിന്ന് അയച്ചു. ബാക്കി രണ്ടു ടാങ്കറുകളും തിരികെ കൊച്ചിയില്‍ എത്തിച്ചാണ് വിമാനത്തില്‍ അയച്ചത്.
ഓക്‌സിജന്‍ നിറച്ച ശേഷം റോഡുമാര്‍ഗം ആയിരിക്കും ടാങ്കറുകള്‍ കേരളത്തിലെത്തുന്നത്. ഇവ ഓടിയെത്താന്‍ കുറഞ്ഞത് ഒരാഴ്ചയെങ്കിലും എടുക്കുമെന്ന് അധികൃതര്‍ അറിയിച്ചു. പരിശീലനം ലഭിച്ച കെഎസ്ആര്‍ടിസി ഡ്രൈവര്‍മാരും വാഹന ഗതാതഗ വകുപ്പ് ഉദ്യോഗസ്ഥരുമാണു ടാങ്കറുകള്‍ക്കൊപ്പം വിമാനത്തില്‍ പോകുന്നത്. 9 ടണ്‍ വീതം ഓക്‌സിജന്‍ നിറയ്ക്കാവുന്നതാണ് ടാങ്കറുകള്‍.
