കോഴിക്കോട്: മലാപ്പറമ്പ് സെക്സ് റാക്കറ്റ് കേസില് ഒളിവിലായിരുന്ന രണ്ട് പൊലീസ് ഡ്രൈവര്മാര് കസ്റ്റഡിയില്. ഡ്രൈവര്മാരായ ഷൈജിത്ത്, സനിത് എന്നിവരാണ് പിടിയിലായത്. താമരശ്ശേരിയില് നിന്നാണ് ഇവരെ കസ്റ്റഡിയില് എടുത്തത്. സെക്സ് റാക്കറ്റ് കേന്ദ്രത്തിന്റെ നടത്തിപ്പില് ഇവര്ക്ക് മുഖ്യപങ്കുണ്ടെന്ന് പൊലീസ് കണ്ടെത്തിയിരുന്നു.
നടത്തിപ്പുകാരന്റെ കയ്യില് നിന്ന് ഇവരുടെ അക്കൗണ്ടിലേക്ക് വന്തോതില് പണം വന്നതായും കണ്ടെത്തിയിരുന്നു. താമരശ്ശേരി കോരങ്ങാട് വെച്ചാണ് ഇവരെ കസ്റ്റഡിയിലെടുത്തത്. താമരശ്ശേരിയില് തന്നെ ആള്പ്പാര്പ്പില്ലാത്ത ഒരു വീടിന്റെ മുകള് നിലയിലാണ് ഇവര് ഒളിവില് കഴിഞ്ഞത്.
കേസിലെ ഒന്നാം പ്രതി ബിന്ദുവിന്റെ ഭര്ത്താവ് രാജുവിന്റെ ഉടമസ്ഥതയിലുള്ള കാറില് സഞ്ചരിക്കുന്നതിനിടെയാണ് പിടിയിലാവുന്നത്. പുതിയ സ്ഥലം തേടി പോവുകയായിരുന്നു എന്ന് പൊലീസ് പറയുന്നു. നടക്കാവ് പൊലീസും സിറ്റി ക്രൈം സ്ക്വാഡും ചേര്ന്നാണ് ഇവരെ കസ്റ്റഡിയിലെടുത്തത്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ
ലിങ്കില് ക്ലിക്ക് ചെയ്യു
