കൊച്ചി: അഞ്ചംഗ സംഘം സഞ്ചരിച്ച കാര് പുഴയില് വീണ് ഡോക്ടര്മാര് മരിച്ചു. കൊടുങ്ങല്ലൂര് സ്വകാര്യ ആശുപത്രിയിലെ ഡോ.അദ്വൈദ്, ഡോ. അജ്മല് എന്നിവരാണ് മരിച്ചത്. എറണാകുളം ഗോതുരുത്ത് കടല്വാതുരുത്തില് കാര് പുഴയിലേക്ക് മറിഞ്ഞാണ് അപകടം. വാഹനത്തിലുണ്ടായിരുന്ന മൂന്ന് പേരെ രക്ഷപെടുത്തി. മെഡിക്കല് വിദ്യാര്ത്ഥിയും നേഴ്സുമായിരുന്നു കാറിലുണ്ടായിരുന്നവര്. ഇവരെ ആശുപത്രിയിലേക്ക് മാറ്റി. ഇവരുടെ ആരോഗ്യനില മെച്ചപ്പെട്ടതായി പൊലീസ് അറിയിച്ചു.
പുലര്ച്ചെ ഒരുമണിയോടെയാണ് സംഭവം. കൊച്ചിയില് പാര്ട്ടി കഴിഞ്ഞ് മടങ്ങുന്നവരാണ് അപകടത്തില് പെട്ടത്. കാറിന്റെ ഡോര് തുറന്ന് കിടക്കുകയായിരുന്നു. ഉടന് തന്നെ നാട്ടുകാരും ഫയര്ഫോഴ്സും രക്ഷാപ്രവര്ത്തനം നടത്തിയെങ്കിലും രണ്ടുപേരെ രക്ഷിക്കാനായില്ല.
ഗുഗിള് മാപ്പ് നോക്കി സഞ്ചരിക്കുന്നതിനിടെ കനത്ത മഴ കാരണം കാഴ്ച മറഞ്ഞതാകാം അപകടകാരണമെന്നാണ് നിഗമനം. ഫയര്ഫോഴ്സും നാട്ടുകാരും ചേര്ന്നാണ് രക്ഷാപ്രവര്ത്തനം നടത്തിയത്. കാര് കണ്ടെത്തുമ്പോള്തന്നെ രണ്ടുപേരുടെ മൃതദേഹം വള്ളത്തില് ഒഴുകിക്കിടക്കുകയായിരുന്നെന്നാണ് ദൃക്സാക്ഷികള് പറയുന്നത്. പരിചയക്കുറവുള്ള സ്ഥലമായതിനാല് അപകടത്തില് പെടുകയായിരുന്നു.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
