തിരുവനന്തപുരം: ഭക്തിയുടെ നിറവില് തലസ്ഥാന നഗരി. ഇന്ന് ചരിത്ര പ്രസിദ്ധമായ ആറ്റുകാല് പൊങ്കാല. രാവിലെ 8.30ന് പന്തീരടിപൂജ നടക്കും, തുടർന്ന് ദീപാരാധന. കുംഭ മാസത്തിലെ പൂരം നാളും പൗർണമിയും ഒത്തു ചേരുന്ന ചൊവ്വാഴ്ച രാവിലെ 9.15ന് ശുദ്ധ പുണ്യാഹത്തോടെ ചടങ്ങുകൾ ആരംഭിക്കും. ലക്ഷക്കണക്കിന് സ്ത്രീകളാണ് ആറ്റുകാലമ്മയ്ക്ക് പൊങ്കാല അർപ്പിക്കാനെത്തിയിട്ടുള്ളത്.
മേൽശാന്തി അനീഷ് നമ്പൂതിരി ശ്രീകോവിലിൽനിന്ന് ദീപം പകർന്ന് ക്ഷേത്ര തിടപ്പള്ളിയിലെ പൊങ്കാല അടുപ്പിലേക്കു പകരും. ഇതേ ദീപം സഹമേൽശാന്തി ഏറ്റുവാങ്ങി വലിയ തിടപ്പള്ളിയിലും ക്ഷേത്രത്തിനു മുൻവശത്ത് ഒരുക്കിയിട്ടുള്ള പണ്ടാര അടുപ്പിലും കത്തിക്കും. ഇത് ഏറ്റുവാങ്ങിയാണ് ഭക്തർ സ്വന്തം അടുപ്പുകളിൽ കത്തിക്കുക.പണ്ടാര അടുപ്പില്നിന്നു പകരുന്ന ദീപം ഏറ്റുവാങ്ങി ഭക്തര് സ്വന്തം അടുപ്പുകളില് ജ്വലിപ്പിക്കുന്നതോടെ നഗരം യാഗശാലയാകും.
ഉച്ചയ്ക്ക് 2.15നാണ് നിവേദ്യസമര്പ്പണം. പൊങ്കാല കഴിഞ്ഞുമടങ്ങുന്നവര്ക്കായി അധിക ട്രെയിന് സര്വ്വീസുകള് നടത്തുമെന്ന് റെയില്വേ അധികൃതര് അറിയിച്ചു. കെഎസ്ആര്ടിസിയും പ്രത്യേക സര്വ്വുകള് ഏര്പ്പെടുത്തിയിട്ടുണ്ട്. ജില്ലയില് ഇന്ന് പ്രാദേശിക അവധിയാണ്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ ലിങ്കില് ക്ലിക്ക് ചെയ്യു
