തൃശ്ശൂര് പൂരം വെടിക്കെട്ട് വീണ്ടും മാറ്റി. മഴ മുന്നറിയിപ്പിനെ തുടര്ന്നാണ് വെടിക്കെട്ട് മാറ്റിവച്ചത്. മഴ തുടരുന്നതിനാല് വെടിക്കെട്ട് നടത്താനാവില്ലെന്ന് ദേവസ്വങ്ങള് അറിയിച്ചു. ഇന്ന് വൈകീട്ട് 6.30 ന് വെടിക്കെട്ട് നടത്താനാണ് ഇന്നലെ തീരുമാനിച്ചിരുന്നത്. ഇനി എന്നാണ് വെടിക്കെട്ട് നടത്തുക എന്ന കാര്യത്തില് തീരുമാനമായിട്ടില്ല. കനത്ത മഴയെത്തുടര്ന്ന് 11 ന് പുലര്ച്ചെ നടക്കേണ്ട വെടിക്കെട്ട് മാറ്റിവച്ചിരുന്നു.
കനത്ത മഴയെ തുടര്ന്ന് ഏറെ ശ്രദ്ധയാകര്ഷിക്കാറുള്ള വൈകിട്ടത്തെ തൃശ്ശൂര് പൂരം വെടിക്കെട്ട് മാറ്റിവെക്കേണ്ടി വന്നു. എല്ലാ ഒരുക്കങ്ങളും പൂര്ത്തിയായപ്പോഴാണ് അസാനി ചുഴലിക്കാറ്റിന്റെ സ്വാധീനത്തിന്റെ ഭാഗമായുള്ള മഴ തൃശ്ശൂര് നഗരത്തില് തോരാതെ പെയ്തത്. അതോടെയാണ് വെടിക്കെട്ട് നീണ്ടത്.
പൂര പ്രേമികളുടെ കണ്ണും കാതും മനസ്സും നിറച്ച് ഈ വര്ഷത്തെ തൃശ്ശൂര് പൂരത്തിന്റെ ചടങ്ങുകള് മെയ് 11 ന് പൂര്ത്തിയായിരുന്നു. ദേശക്കാരുടെ പൂരമായിരുന്നു അന്ന് നടന്നത്.
