HIGHLIGHTS : Three Sabarimala pilgrims killed in Kozhikode road mishap
കോഴിക്കോട് : പുറക്കാട്ടിരിയില് ട്രാവലറും ടോറസ് ലോറിയും കൂട്ടിയിടിച്ചുണ്ടായ അപകടത്തില് മൂന്ന് പേര് മരിച്ചു. കര്ണാടക ഹസന് സ്വദേശികളായ ശിവണ്ണ, നാഗരാജ എന്നിവരും ട്രാവലര് ഡ്രൈവറായ എറണാകുളം സ്വദേശി ദിനേശുമാണ് മരിച്ചത്. ഇന്ന് പുലര്ച്ചെ 5.30ഓടെയാണ് അപകടം ഉണ്ടായത്. സംഭവ സ്ഥലത്തുവച്ച് തന്നെ മൂന്ന് പേര് മരിച്ചു.
കര്ണാടകയില് നിന്നുള്ള ശബരിമല തീര്ഥാടകര് സഞ്ചരിച്ച ട്രാവലറാണ് ലോറിയുമായി കൂട്ടിയിടിച്ചത്. ഒമ്പത് പേര്ക്ക് പരുക്കേറ്റു. ഇതില് മൂന്ന് പേരുടെ പരുക്ക് ഗുരുതരമാണ്. ഇവരെ കോഴിക്കോട് മെഡിക്കല് കോളജ് ആശുപത്രിയില് പ്രവേശിപ്പിച്ചു.
ശബരിമല തീര്ഥാടനം കഴിഞ്ഞ് നാട്ടിലേക്ക് പോകുന്നതിനിടെയാണ് അപകടം.