ശബരിമല: മകരവിളക്ക് ദിനമായ 14ന് ശബരിമലയിലെ അയ്യപ്പ വിഗ്രഹത്തില് ചാര്ത്താനുള്ള തിരുവാഭരണങ്ങളുമായി ഘോഷയാത്ര തിങ്കളാഴ്ച ഉച്ചയ്ക്ക് ഒന്നിനു വലിയ കോയിക്കല് ധര്മശാസ്താ ക്ഷേത്രത്തില് നിന്നു പുറപ്പെടും. രാജപ്രതിനിധി പുണര്തം നാള് നാരായണ വര്മയാണ് നയിക്കുക. 26 പേരാണ് സംഘത്തില് ഉള്ളത്. ഘോഷയാത്ര മൂന്നാം നാള് ശബരിമലയില് എത്തും. തിരുവാഭരണങ്ങള് ചാര്ത്തി ദീപാരാധന അന്ന് വൈകിട്ട് ആറരയോടുകൂടി നടക്കും. ജനുവരി 18ന് കൊട്ടാരം വക കളഭാഭിഷേകവും, 19ന് ഗുരുതിയും രാജപ്രതിനിധിയുടെ സാന്നിധ്യത്തില് നടക്കും. ശബരിമലയില് ഭക്തജനങ്ങള്ക്ക് 19 ന് രാത്രി വരെയെ ദര്ശനം ഉണ്ടായിരിക്കുള്ളു.
ജനുവരി 20 ന് ചൊവ്വാഴ്ച രാവിലെ 6 മണിയോടുകൂടി നട അടച്ച് തിരുവാഭരണവുമായി രാജപ്രതിനിധി പടി ഇറങ്ങി മടക്കയാത്ര ആരംഭിക്കും. 21ന് പെരുനാട് അയ്യപ്പ ക്ഷേത്രത്തില് തിരുവാഭരണം ചാര്ത്തി ദര്ശനം ഉച്ചക്ക് 1.30ക്ക് ആരംഭിച്ച് രാത്രി 2 മണി വരെ ഉണ്ടാകും. 22 ന് ആറന്മുള കൊട്ടാരത്തില് തിരുവാഭരണ ദര്ശനം ഉണ്ടാകും. 23 ന് രാവിലെ 8 മണിയോടുകൂടി പന്തളത്ത് എത്തുന്ന ഘോഷയാത്രാ സംഘത്തിന് ഗംഭീര സ്വീകരണം ഉണ്ടായിരിക്കും. പന്തളത്ത് എത്തുന്ന തിരുവാഭരണം നേരെ കൊട്ടാരം സ്ട്രോങ് റൂമിലേക്ക് മാറ്റും. ഇവിടെ ദര്ശനം ഉണ്ടാകില്ല.ജനുവരി 14നാണ് മകര ജ്യോതിയും മകര സംക്രമ പൂജയും.
തിരുവാഭരണ ഘോഷയാത്രയെ സ്വീകരിക്കാനും ശുചീകരണത്തിനുമായി പകല് 12 മുതല് സന്നിധാനത്ത് കര്ശന നിയന്ത്രണമുണ്ടാകും. പതിനെട്ടാംപടിക്ക് മുകളിലുള്ള ഭാഗത്ത് (ഫ്ലൈ ഓവര് ഉള്പ്പെടെ) 5000 പേരില് കൂടുതല് പാടില്ല. 13നും 14നും എരുമേലി വഴിയുള്ള കാനനപാതയിലൂടെ 1000 തീര്ഥാടകരെയും സത്രം- പുല്ലുമേടുവഴി 1500 പേരേയും മാത്രമേ അനുവദിക്കൂ. അപ്പാച്ചിമേട് -ബെയ്ലി ബ്രിഡ്ജ് വനപാതയിലൂടെ ആരെയും പ്രവേശിപ്പിക്കില്ല.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ ലിങ്കില് ക്ലിക്ക് ചെയ്യു
