കൊല്ലം: വിസ്മയ കേസില് തിങ്കളാഴ്ച്ച വിധി പറയും. കൊല്ലം അഡിഷണല് സെഷന്സ് കോടതിയാണ് വിധി പറയുക. കഴിഞ്ഞ വര്ഷം ജൂണ് 21നാണ് വിസ്മയയെ ആത്മഹത്യ ചെയ്തത്.
സംഭവം നടന്ന് ഒരുവര്ഷം പൂര്ത്തിയാകുന്നതിന് മുന്പാണ് വിധി പറയുന്നത്. വിസ്മയയുടേത് സ്ത്രീധന പീഡനത്തെ തുടര്ന്നുള്ള ആത്മഹത്യയെന്നാണ് കുറ്റപത്രം പറയുന്നത്.
കഴിഞ്ഞ വര്ഷം ജൂണിലാണ് പോരുവഴിയിലെ ഭര്തൃഗൃഹത്തില് വച്ച് വിസ്മയ ആത്മഹത്യ ചെയ്തത്. സ്ത്രീധനത്തിന്റെ പേരിലുള്ള പീഡനമാണ് ആത്മഹത്യയിലേക്ക് നയിച്ചത്. തുടര്ന്ന് ഭര്ത്താവിനെ പൊലീസ് അറസ്റ്റ് ചെയ്തു. കേസില് ഭര്ത്താവ് കിരണ് കുമാര് മാത്രമാണ് പ്രതി.
2020 മേയ് 30-നാണ് ബി.എ.എം.എസ്. വിദ്യാര്ഥിനിയായിരുന്ന വിസ്മയയെ മോട്ടോര്വാഹനവകുപ്പില് എ.എം.വി.ഐ. ആയിരുന്ന കിരണ്കുമാര് വിവാഹം കഴിച്ചത്. ആത്മഹത്യാ പ്രേരണയടക്കം ഒന്പത് വകുപ്പുകള് ചുമത്തിയാണ് കുറ്റപത്രം നല്കിയിരിക്കുന്നത്.
500 പേജുള്ള കുറ്റപത്രമാണ് കോടതിയില് സമര്പ്പിച്ചത്. 42 സാക്ഷികളുണ്ട്, 92 റെക്കോര്ഡുകളും 56 തൊണ്ടിമുതലുകളുമാണ് കേസിലുള്ളത്.
