ന്യൂഡല്ഹി: ബില്ക്കിസ് ബാനു കേസില് പ്രതികളുടെ ശിക്ഷാ ഇളവ് സുപ്രീം കോടതി റദ്ദാക്കി. പ്രതികളെ വിട്ടയച്ച ഗുജറാത്ത് സര്ക്കാറിന്റെ നടപടി സുപ്രീം കോടതിയാണ് റദ്ദാക്കിയിരിക്കുന്നത്. പ്രതികളെ വിട്ടയക്കാന് ഗുജറാത്ത് സര്ക്കാരിന് അവകാശമില്ലെന്ന് സുപ്രിംകോടതി നിരീക്ഷിച്ചു. സുപ്രീം കോടതി വിധിയോടെ 11 പ്രതികളും വീണ്ടും ജയിലിലേയ്ക്ക് മടങ്ങും. സാമൂഹ്യാവസ്ഥ എത്ര പിന്നാക്കമായാലും ഏത് വിശ്വാസം പിന്തുടന്നാലും സ്ത്രീ ബഹുമാനം അര്ഹിക്കുന്നു.
ശിക്ഷാവിധിയില് ഇളവ് നല്കാന് ഗുജറാത്ത് സര്ക്കാരിന് അധികാരമില്ലെന്ന് ജസ്റ്റിസുമാരായ ബി വി നാഗരത്ന, ഉജ്ജല് ഭുയാന് എന്നിവരടങ്ങിയ ബെഞ്ച് സംശയരഹിതമായി വിധിയില് വ്യക്തമാക്കിയിട്ടുണ്ട്. ഗുജറാത്ത് സര്ക്കാരിന് പ്രതികളുടെ ശിക്ഷയില് ഇളവ് നല്കി ഉത്തരവ് പാസ്സാക്കാന് അധികാരമില്ലെന്നതാണ് കോടതിയുടെ പ്രധാന നിരീക്ഷണം. വിചാരണ നടന്ന കോടതിയുടെ അഭിപ്രായം ആരാഞ്ഞ് വിചാരണ നടന്ന സംസ്ഥാനത്തിനാണ്. ശിക്ഷാ ഇളവ് നല്കാന് അധികാരമുള്ളത്. കുറ്റവാളികളെ തടവിലാക്കിയ സ്ഥലമോ സംഭവസ്ഥലമോ ഇളവിന് പ്രസക്തമല്ല.
തടവ് പുള്ളികള്ക്ക് ശിക്ഷാ ഇളവ് അനുവദിക്കുന്ന 1992 ലെ നയത്തിന്റെ അടിസ്ഥാനത്തില് കേസിലെ 11 കുറ്റവാളികള്ക്ക് ശിക്ഷാ ഇളവ് നല്കിയതിനെതിരായ ഹര്ജിയിലാണ് സുപ്രീം കോടതിയുടെ വിധി പ്രസ്താവം.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
