തേഞ്ഞിപ്പലം:വിനോയ് തോമസ് എഴുതിയ പ്രോത്താസീസിന്റെ ഇതിഹാസം നോവലിന്റെ നാടകാവിഷ്കാരം പ്രോ+ നാളെ ചൊവ്വാഴ്ച അരങ്ങില്. കലിക്കറ്റ് സര്വകലാശാല മലയാള കേരളപഠനവിഭാഗത്തിന്റെ ആഭിമുഖ്യത്തില് നടത്തുന്ന നാടകദിനാഘോഷത്തിന്റെ ഭാഗമായാണ് നാടകാവതരണം.
കാമ്പസ് നാടകചരിത്രത്തിലെ ബൃഹത്തായ ഒരു അരങ്ങ് പരീക്ഷണമാണ് നാടകക്കൂട്ടത്തിന്റെ പ്രോ+. തുറന്നവേദിയിലെ തികച്ചും പുതുമയാര്ന്ന രംഗാനുഭവമാണിത്. അരീന തിയേറ്ററിന്റെ വിശാലതയിലേക്ക്, തിയേറ്റര് ഇന് ദ റൗണ്ടിലേക്ക്, പുത്തന് ആവിഷ്കാരത്തിന്റെ തുറസ്സിലേക്ക് നാടകാസ്വാദനത്തിന്റെ അനുഭൂതികളിലേക്ക് എത്തിക്കാനാണ് നാടക പ്രവര്ത്തകരുടെ ശ്രമം.
ആകാശവും ഭൂമിയും കളിയിടമാകുന്ന, വിലക്കുകളും മറകളുമില്ലാത്ത സക്രിയരംഗസാക്ഷാത്കാരമാണ് പ്രോ+. കാമ്പസ് തിയേറ്ററിന് അപരിചിതമായൊരു രംഗപരിചരണമാണ് ഈ നാടകം. സമകാലസാമൂഹ്യജീവിതത്തെ
ചിരിയുടെ കാലിഡോസ്കോപ്പിലൂടെ നോക്കിക്കാണുകയാണ് നാടകം. അങ്ങനെ അത് നാടിന്റെ അകമാകുന്നു. ആരോഗ്യകരമായ മനുഷ്യബന്ധങ്ങളെക്കുറിച്ചും കപടജീവിതങ്ങളെക്കുറിച്ചും ഉപഹസിക്കുന്നു. സാമൂഹ്യമാറ്റത്തെക്കുറിച്ച് സ്വയം വിമര്ശനാത്മകമായി ആലോചിക്കാന് പ്രേരിപ്പിക്കുന്നു.
ഡോ കെ എസ് വാസുദേവന് നാടകരൂപരചന നിര്വഹിച്ച് പ്രൊഫ.എല് തോമസ്കുട്ടി സംവിധാനം നിര്വഹിക്കുന്ന ഈ നാടകത്തില് നാടക-സിനിമാ- മാധ്യമ പ്രവര്ത്തകരും അധ്യാപകരും ഉദ്യോഗസ്ഥരും വിദ്യാര്ഥികളുമടങ്ങുന്ന നാല്പതോളം പേര് അരങ്ങിലെത്തും.
വൈസ് ചാന്സലര് ഡോ. പി രവീന്ദ്രന് ഉദ്ഘാടനം ചെയ്യും. നോവലിസ്റ്റ് വിനോയ് തോമസ് മുഖ്യപ്രഭാഷണം നടത്തും.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ ലിങ്കില് ക്ലിക്ക് ചെയ്യു
