മീഡിയാ വണ് ചാനലിന്റെ സംപ്രേക്ഷണ വിലക്ക് നിലവിലുള്ളതുപോലെ തുടരും. സംപ്രേക്ഷണ വിലക്ക് ഏര്പ്പെടുത്തിയ സിംഗിള് ബെഞ്ച് ഉത്തരവിനെതിരായ ഹര്ജി ഹൈക്കോടതി ഡിവിഷന് ബെഞ്ച് തള്ളി. ഫയലുകള് പരിശോധിച്ച് ദേശീയ സുരക്ഷയ്ക്ക് ഭീഷണിയുള്ള കാര്യങ്ങളുണ്ടെന്ന് ബോധ്യപ്പെട്ടതായി കോടതി വ്യക്തമാക്കി. ചീഫ് ജസ്റ്റിസ് അധ്യക്ഷനായ ഡിവിഷന് ബെഞ്ചിന്റേതാണ് വിധി.
ഫെബ്രുവരി എട്ടിനാണ് സംപ്രേഷണ വിലക്കേര്പ്പെടുത്തിയ സര്ക്കാര് നടപടി ശരിവച്ചു കൊണ്ട് മീഡിയാ വണ്ണിന്റെ ഹര്ജി സിംഗിള് ബഞ്ച് തള്ളിയത്. സംപ്രേഷണ വിലക്കേര്പ്പെടുത്തിയ കേന്ദ്രസര്ക്കാര് നടപടി ശരിവച്ച സിംഗിള് ബഞ്ച് ഉത്തരവിനെതിരെയാണ് ചാനല് ഉടമകളും ജീവനക്കാരും, പത്രപ്രവര്ത്തക യൂണിയനും അപ്പീല് നല്കിയത്. അപ്പീലില് ഫെബ്രുവരി 10 ന് വാദം പൂര്ത്തികരിച്ചിരുന്നു.
എന്നാല് കൃത്യമായ രഹസ്യാന്വേഷണ റിപ്പോര്ട്ടിന്റെ അടിസ്ഥാനത്തിലാണ് കേന്ദ്ര സര്ക്കാര് നടപടിയെന്ന് അഡീഷണല് സോളിസിറ്റര് ജനറല് അമന് ലേഖി കോടതിയെ അറിയിച്ചിരുന്നു.
